Tekst
Onderstaande tekst is niet 100% betrouwbaar

Jëgen Godts weder und windt koennen wy nicht don, Norwëgen hebben wy yngenamen, Yn de Wieck synt wy gekamen, Katzborch, dat vellen wy dapper an, Mit stormender handt gewunnen.

Al wat dar was, dat bleff dar dodt, De lantzknecht weren yn groter nodt, Grote kranckheyt hadden ze vorwunnen, De hagel und sne, de ded uns we, Darto de bitter hunger.

Up eynen soendach dat geschach,

Dat men de landtzknechte trecken sach,

Vor Nieloes up dem ise,

Dar quemen de Sweden mit gantzer macht,

Se meinden de lantzknechte to vordriven.

Des andren dages dat geschach,

Dat men de Sweden trecken sach,

Wol gëgen de framen landtsknechte,

Wy meynden se scholden uns levern eyne slacht,

Se doerfften unser nicht vorbeiden.

De uns dit nie ledtlin sanck,

Meinrt vam Hamme is he gênant,

He hefft gar wol gesungen,

He drinckt vel lever den rynschen kolden win,

Alst water uth den brunnen.

Sluiten