Tekst
Onderstaande tekst is niet 100% betrouwbaar

b. Berechting van gevallen van toverij.

We verleden jaer in Oestvreslandt tho Esens und up meer plaetsen niet allene geruchte erschal van toverschen, dan ock voele to Adwerick, Bierum ingetogen und to water laten swemmen torn prove etc, und nochtans graef Edzart myt sijn reden die straffe und nasoeck liet verbliven, want die sake to wijdt und breet uthstreckede sonder nootwendich bewijss, we to Ossenbrugge meer dan 80 personen verbrant worden, rijcken und wol benoempt tvole beruchtiget; und daerna is verbleven. Alsoe erhevede sick nu weder ten Dam und Fermsum dorch een Waellinne van der soldaten vrouwen die ticht der toverije eder vergyfftunghe, soe sie an enich offitierer gewendet hadde, und die sick myt andere vrouwen raedt und anwijsinge let helpen, dat he solde ener begissen, und den van die gemakede dranck een schulp vuil up die rugge onwetent geeten, tot een prove, daermede so sie schuldich bena onsinnich solde begrepen worden. Und wordt dorch Willum in den Hulcks vrouwe gemaket und geschut alsoe. Daeromme die Waellinne van Berent Reijners redger begrepen, verhort, bekent die daet und secht daer 300 twesen, onder wekken ock dusse mestersche mede solde sijn myt noch anderen ten Dam van die principaelsten, Jaspars, Johan Reiners, Gert Hommens vrouwen, erbare geacht und befonden. Onder des ys die Waellinne ter dode verordelt den 2 Aprilis anno 87 naer verhoer dusser sake bij den besechte personen, und dede nene kleine oproer, alsoff die duvel in den menschen domineerde myt bedroch, mort und logen. Uth nene ander orsake als blijket, want die menschen leveden daer niet als enige Christenen offte Papisten, dan heel vleslicken, sonder sorgen und bedenckent, noch Godt off affgodt hebbende, dan den duvel volgende myt haet, nijdt, ongunst, achterclap und pleytent. Nu ys die duvel crachtich in die kinderen des ongeloves. Bij den affgodtsche Papisten hefft die toverije mach gehadt. Myt den Evangelio was he ingehouden, nu over den vleslicken domineert he .weder. Daeromme want vole den Evangelio vijandt unde den Antichristo und sijn anhangen um die hoecheit allene togevallen, gyfft sie Godt ock den duvel over, dat sie wetent offte onwetent, van sien naem berovet, in des duvel geselschap worden gerekent. Dat sie dan an sukken Waellynne geordelt hebben, worden sie sulven beschuldiget als van Evangelio afftredende, torn duvel gecomen, die machtich is over den sijnen, we Godt handelt in cracht des Heilighen Geest myt den sijnen, und Job hefft laten versoecken und plaegen. Alsoe worde die orsake des verstarffs der veeier

Sluiten