Onderstaande tekst is niet 100% betrouwbaar

houtasschê / en menget dë calc en die houtasscê wel onder een / daer af suldy een goede stercke looghe leeken / en latêt drie oft vierwerf dore loopê. Dan neët dat facethout / dat suldy cleyn snidê oft houwen / en worpent so in die looghe en laet dat siedë een half ure lanc. Da doet daer in wyasschen / daer mede latet noch eë goede halve ure siden: dan settet af / en doet daer spaës groë in / en maect twee of drie sopen. (Item in drie pont facethout / behoort een once spaens groen / als ghi dat lakë int eerste sop hebt gehadt yst da te bruyn of te gelu / so doet daer wynasschen in en een luttel alluyns.

(Om ghelu met wouwen te verwen - capit. XII.

Als ghi ghelu met wouwë wilt verwen / so neët dye efi snyt die wortelë af. Da snytse cleyn in stucken en legtse te weycke twee oft drie uren lanc / in looghe va hout asschë oft wee asschë. Da suldyt siedë een half vierendeel va een ure / tot dat u dunct dat ghenoech is. Da sal më in twee quaertë waters / eenë stoop oude pisse gieten / en latent ooc een cleyn wile siedë. Die pisse moet out zyn ses dagê. Dan cleynset de verwe vader wouwen / en houtse. Dan gietse weder op die wouwe met ander looghe en pisse / gelyc voorseyt is. Dan doet die verwe doer eenen schoonë doec / en siedet dan tot twee pont wouwen twee loot spaens groen / metter rechter looghë daer ghy die wouwe mede ghesodë hebt / ghietet dan in die verwe die verwen sullë al te gader ghegotë worden / en dan suldy die verwen eenen cleynen wal laten hebben.

(Om noch ghelu met wouwe te verwen - Capit. XIII.

Neemt eenë pot met water / die set bidë viere efi laet dië wel werm worden, Dan neët goede eyckë hout asschen / die werpt in de werm water / dan settet af / en roeret wel om / en decket wel toe. Des anderen daechs ghiet die looge suyverlyc door eenë schonen doec in een ander teyle / da neemt goede wouwe / en breect die wortelë af / oftsnytse wel cleyn / en waschtse en spoeltse int cout water da legtse in de looge / en laetse eenë nacht weyckë. Da suldyt laten sieden op die helft / oft meer. Alst ghesodë ist / so doeget so heet door eenë schonen doec. Dan suldy hebben ghewreven spaës

Sluiten