Onderstaande tekst is niet 100% betrouwbaar

een half ure lanc / Dan neët een luttel etappen / ende een luttel semelwaters / hier mede latet heet worden / dan doet die side daer in / en en latet niet sieden / dan gaetse spoelen in een luttel looghen / so wortse schoon dan spoeltse in water.

(Om sanguijn side te verwen cap. XLV.

Wildy sanguyn side verwë / dye suldy in alle manieren alluynen / gelyc metten crappë. Dan suldy nemen een luttel simpel waters / en een luttel bresilien / dat siedet te gader / dan neemt een sop en siedet die side daer in. Als dat uit is so neemt een ander / dan het derde / da steket in die looghe.

(Om blaeu side te verwen. Capit. XLVI.

Wildy blaeu siden verwë / die side moet wit zyn / da suldy se nat maken / en wringense weder uit. Dan steectse in die blau verwe / en maect se licht of doncker so ghi wilt.

(Om schoon groen side te verwen. Capit. XLVII.

Wildy schoon groen side verwen / soe neemt een luttel semelwaters / en een luttel alluyns: dat siedt tegader. Als den alluyn ghesmolten is / so doet die side daer in / en laetse mede sieden een vierendeel van eender uren. Dan neemt noch eë luttel semelwaters / ende een luttel wouwe / en die side oock / en laet dat te gader sieden so langhe tot dat schoon doncker ghelu wordt. Wildy se groen hebbê / so steect se in in die blau verwe / ende maectse ooc licht oft doncker so ghi wilt.

(Om swerte side te verwen. Capit. XLVIII.

Neemt tot een pont siden XII galnoten / ende stoot die tot poeder / Siedt die side metter gallë in simpel water / een goede halve ure lanck. Dan nemet van der swerter verwen / en siedtse ooc een half ure lanck. Dan doetse uit / en laetse cout worden / dan doetse weder in dye swerte verwe / ende laetse noch een halve ure sieden. Is si dan niet schoö so laet se langher sieden / ymmers so langhe tot datse schoö wert / ende dan gaetse spoelen opt water.

(Om purpur side te verwen. Capit. XLIX.

Sluiten