Onderstaande tekst is niet 100% betrouwbaar

elcx een halve once. Më macht aldus ooc makë / als datmë die queappelë siedë in wy azyn en in wyn tesamë / da maect dit cruyt goedë appetyt. En yst te soete / oft wilt ghi dë honich sparë / so neët wit broot en bernet / gelyc më in swerte peper doet. Dan suldyt dore slaen door eenë doec / en nemen dit half totten honich. Dit machmë ooc in compost doen / en ooc in alle dinghen daer më veels honichs in behoeft. Maer doet niet veel van dat broot daer in op dat niet en gherake te schimmelen.

(Om groen gingebaer oft calmus te makë. Cap. LXXXVI.

Men sal nemë schoö grote clauwë van ghingebaer die cort is / en sceltse. Da salmëse doorstekë met een scerpë punct va een messe. Da salmëse siedë in water tot dat water door haer lyf gheloopë is. Da salmëse uit doen en leggëse op een tafel / en perssen dat water uit / en leggëse twee dagë in honichwater oft in sirope te weycke / det is honich met water op gesoden en ghescuymt / en decket en doent da in eë verglaest vat / en settent alsoe wech. En yst dat dë gingebaer aldus niet weec genoech en wert / so ghiet daer regenwater op / en settet acht dagë in die sonne. Dan sal men eenen put makë in eenen kelder in die aerde oft in een ander vochtige stede / en doen daer in sout dat vochtich is / en doet die clauwë datse deen dë anderë niet en genakë. En da ghiet daer vyf oft ses wervë des daghes schoon water inne / tot vier dagen toe / en tot det si weeck worden. Ende dan legtse in honich,

(Een tractaet va planten en greffien. Capit. LXXXVII.

Om subtilyc te greffien / so neët een tacxkë met eenë knoop / dat suldy wringen / en doet hë die scorsse af / en ooc den knoop / daer na legget in eë clove also groot als die greffie is / het sal seer corts wassen.

(Die greffië wil wygaert / op wygaert / sal de wygaert clievë gelyc and boomë / en steken die greffie in de clove en stoppent dan met wasse / en bindent boven wel.

(Yst det een boö te lage beyt met wasSë oft fruyt te dragë / so maect eë gat met eë egger / in dë meestë tack van d'worte'e / sond'tgat dore te borë / en in tgat det ghi hier maket / steect eenë droogë eyckë stoc / en Iaethë also int gat mer

Sluiten