Tekst
Onderstaande tekst is niet 100% betrouwbaar

Genesis

28 : i ompoemoe, simba' ikow i motogi kom boeta' inta pinongandoepanmoe na' intau ango-angoi, bo ki inta inogoi-don i Allah

5 ko i Ibrahim." * Nanion im pinopopotaba' i Isak ko i Jakoeb minaja'. Kon toea jo minaja'-don ing ki Jakoeb im PadanAram, nokipodoengkoel ko i Laban, ki adi' i Betoeël, intau i Aram, ki lolaki i Ribka, ki ina' i Jakoeb bo i Esau.*

6 Jo inontong i Esau im pinomarakatan i Isak ko i Jakoeb bo pinopopotaba'nja ko inia maja' im Padan-Aram, moboeloi kon toea-ta, kai n kojowëa: Dika iikow moboeloi kom bobai

7 ing Kanaan!* Bo inontong doman i Esau, kon singog i ama'nja bo i ina'nja toea in dinoedoeian i Jakoeb, bo minaja'-don im

8 Padan-Aram in sia.* Naonda ing kinomangalean-don i Esau, ko naanta ki ama'nja, ki Isak, dia' moïbog im bobai i intau ing

9 Kanaan toea,* jo minaja' ing ki Esau nokipodoengkoel ko i Ismaël bo noboeloi ko ï Mahalat, — ki adi' i Ismaël, ki ompoe i Ibrahim, ki bobai i Nebajot, — pinomianja ki boeloinja, kolikoed i boeloinja kojongan.*

10 Naonda in sinoemala'-don ing ki Jakoeb kom Bersjeba bo

11 kobaja-baja' maja' i Haran,* jo noïbaja' in sia in tampat tobatoe' bo nosioeg-pa kon toea-ta, sin singgai in sinoemojop -don. Ginama'nja im batoe tobatoe' inta kon toea, sinooloe-

12 nanëa bo inoemoelid in sia kon toea-ta nosioeg.* Jo sinoemogoïn(d)op in sia: naanta, totoeoe, inontongea ojoeon in toekad tobatoe' noïsindog kom boeta', bo popod-monik in toekad toea i nodapot ko langit; noherang, si modamal i malaikat i Allah i

13 moponik moponag kon toekad inta toea. * Totoeoe inontongea ing ki Toehang in sinimindog kon tajowonëa bo nosingog, kainia: „Akoeoi naa ing ki Toehang, ki Allah i Ibrahim, i lakimoe, bo ki Allah i Isak. Jo boeta' inta pinosioeganmoe, nioa i ogoikoe

14 ko inimoe bo ko i adi'moe bo ko i ompoemoe.* Ki adi'moe bo ki ompoemoe i mobali' na' ginaboei im boeta' ing kobajongëa, bo ikow i loemelep maja' na' pomataan bo maja' na' tojopan, mamonik bo mamonag, jo bajongan im bangoesa i intau kon doenia i moöigoeman kom barakat takin in tangoimoe bo takin

15 in tangoi i adi'moe bo i ompoemoe.* Totoeoe, Akoeoi naa ing kotaki-takinmoe bo Akoeoi i moloekad ko inimoe ko onda-onda -ka-don im baja-baja'anmoe-makow, bo Akoeoi i mopoboei ko inimoe kom boeta' inta naa; sin dia' doman talaankoe iikow, oemaan im podapotkoe-don komintan ing ki inta dinandikoe

Sluiten