Tekst
Onderstaande tekst is niet 100% betrouwbaar

I Semoeël

26 : in sia ing ginoebatëa sampe moïlambai kom boeta'; tonga'-bi' 9 komintan takoelon, dia'-bi' takoelonkoe kodoea!" * Tonga' kai n singog i Daoed ko i Abisaï: „Dika patoion in sia! Sing ki ine dega' i mopodapot i liman ja ko intau inta dinoeï' i Toe-

10 hang binali' datoe bo dia' kooemaan im bala ?"* Kai n singog-pa doman i Daoed: „Akoeoi mopongibot ing kobobiag i Toehang, kong ki Toehang i mobongkoeg ko inia, pinomaja' kooemaan in sia in djandjinja, pinomaja' patoion kom pororopatoian in sia.*

11 Tonga'-pa doman popojajoe' i Toehang iakoeoi i mopodapot i lima ko intau inta dinoeï' i Toehang binali' datoe! Sebab nion, naaia gama'-don ing ginoebatëa inta ko oeloeanëa, bo botolëa inta binonoean in toebig, bo koligai, maja'-don ing kita." *

12 Jo ginama'nja-don ing ginoebat bo botol in toebig inta ko oeloean i Saoel, polat-don minaja' in taja doea. Jo oempaka tobatoe', dia' inta nokoontong pinomaja' nototaau ko imonia; oempaka tobatoe', dia' i nokopondam; sing komintan minatoi in sioeg, sing kinooemaan imosia in sioeg i Toehang. *

13 Naonda i nodapot-don ing ki Daoed kon dampig-makow (i lopa' toea), jo sinimindog in sia kon toedoe im boeloed ko

14 mojajoe — mojajoe' in sigad-monia * — bo nokoeoek kon soroedado toea bo ko i Abner, ki adi' i Ner, kainia: „Dia'-bi' iikovv toemoebag, e Abner?" Notoebag-don ing ki Abner, kainia:

15 „Ki ine dega' iikow inta mokoeoek-mai ko inako'?" * Kai n singog i Daoed ko i Abner: „Deeman-ka ikow im bogani? Kom bajongan i intau Israël, ki ine dega' inta mobali' potongkaion ko inimoe? Sebab nion, nongonoe sin dia'-bi* iloekadanmoe ing ki toeangmoe, ki ompoe datoe? Si noïangoi i intau tobatoe' inta koniat momatoi ko i ompoe datoe, ki toeangmoe. *

16 Totoeoe, naaia dia' mopia ing gogoetoe'moe. Akoeoi mopongibot ing kobobiag i Toehang, kom bajongan-monimoe im patoet popatoion, sin dia' imoïkow noloekad ko i toeang-monimoe, inta dinoeï' i Toehang binali' datoe. Indoi-ai-ka, ko onda ing ginoebat i ompoe datoe? bo ko onda im botol binonoean in toebig inta kon dampig i oeloean i ompoe datoe?" *

17 Kon toea, jo kinotaauan-don i Saoel i ojoet in singog i Daoed, kainia: „Ojoet in singogmoe i nion, e Daoed, ki adi'koe?" Kai n toebag i Daoed: „Totoeoe, na' kai n singog i om-

18 poe datoe, naaia in singog i ata naa." * Noïdoedoei, kai n singogëa-pa doman: „Nongonoe si alowan-bi' i toeang i ata naa?

Sluiten