Tekst
Onderstaande tekst is niet 100% betrouwbaar

I Datoe

10 :19 ding, inta kinoekoepanëa im boelawan soesi * Lolitoe'an toea sinontoekadan i onom no tontaga'; kon dampig i likoedêa im pinomiaan ko lamba' sinooeloe in sapi kolakian; kom posi losi i lolitoe'an toea, ojoeon i oolabatan bo kon dampig i oolabatan

20 toea sinimindog in singa dojowa; * kon tontaga' in toekadëa, sinimindog in singa mopoeloe' bo dojowa no batoe', togogonom kom posi-posi botak. Dia'-pa lalat pinomia ing ki inta na'toea kong karadjaan tobatoe'-mai.*

21 Bajongan im pongonginoeman i ompoe datoe, i Solaiman, komintan nongkom boelawan bo bajongan doman im pononomokanea i nongkom boelawan, bo bajongan im pongonginoeman bo pongongaanan kom baloi ing kajoeon i Libanon, komintan nongkom boelawan soesi; dia' kinodoengkoelan kom pakakat nongkon salaka, sing kon toengkoel i Solaiman dia'

22 pandoengon i intau in salaka.* Sing ko i ompoe datoe ojoeon ing kapal moloben kon dagat inta loemoleag ma ja' in Tarsis (kom boeta' i intau in Spanjol), taki-takin ing kapal i Hiram; potomboeloi in toloe no taöng, komintan toemapoe kon totoeboean ing kapal toea, inta dinatogan im boelawan, salaka, gading, kajoe mojondi', bolai bo lagapan merak. *

23 Na'toea ing kololoben i Solaiman, noïlioe-don kong koloben im bajongan in datoe tongo doea kon doenia naa, noïlioe-

24 -don ing kakajaanea bo kopopandoinja. * Jo bajongan in datoe kon doenia naa ing komintan nokipodoengkoel ko inia bo nokidongog kong kopopandoinja, inta pinopotorop i Toehang kom

25 bonoe ing ginanja. * Jo datoe minta toea, tobatoe'-tobatoe' i nodia ko oliigea, pakakat salaka bo boelawan, pakeang mongopia, pakakat ing kabalo, madjamoe', kabalo bo kaldai, potomboeloi in taöng. *

26 Jo sinipoen doman i Solaiman ing kareta i ropatoi bo intau toemotakoi kong kabalo; sia i motogi kong kareta i ropatoi tongo riboe bo opat no gatoet no batoe', bo tongo raban bo dojowa no riboe i intau inta toemotakoi kong kabalo, inta pinopooetoenëa ko lipoe' ing kareta (pogogoetoenan in soroedado inta mololoekad kong kareta i ropatoi toea), bo ko i ompoe datoe ko Jeroesalem. *

28 Kabalo ko i Solaiman pinokigama' nongko Masir; ginama' i mododagang i ompoe datoe, inta notaloei kong kabalo toea

29 takin im bolinja. * Kareta i ropatoi inta dinia nongko Masir,

Sluiten