Tekst
Onderstaande tekst is niet 100% betrouwbaar

II Tawarich

30 : 7 Aka mobali', jo dika imoïkow na' bajongan i ama'-monimoe bo i oetat-monimoe, inta nolawang ko i Toehang, ki Allah ï mogogoejang-monia, sampe pinopooemaan i Toehang imosia ing ki inta mokotalikokog totok, na' aindon inontong i mata-

8 -monimoe tontani'.* Sebab nion, dika toemogat kong gina-monimoe, na' tai ama'-monimoe; pianja, tonggo' i lima-monimoe ko i Toehang bo mamangoi im baloinja inta mokoedoes, inta sinontani'nja oemoeran-bi' mononoi, bo mosoemba ko i Toehang, ki Allah-monimoe; simba' moojong-don in toroe'nja inta

9 doemoko-dokot ko imonimoe.* Si aka momait imoïkow kon tala'-monimoe bo simingajow ko i Toehang, jo bajongan i oetat-monimoe bo i adi'-monimoe ing kotabi i intau inta nononggata bo nomamping ko imonia, bo mobali' moboei-mai imosia kom boeta' inta naa; sing kototabian bo kototanoban ing ki Toehang, ki Allah-monimoe; dia'-bi' toemolikoed in sia ko imonimoe, aka simingajow imoïkow ko iNia."*

10 Naonda in taba' toea in sinoemalib-don kom boeta' i Efraim bo i Manase, nodapot kom boeta' i Seboelon, bo nongandoep ko lipoe' in tobatoe'-tobatoe', jo kinosingan-bi'-monia in

11 taba' toea bo siningkoele-monia.* Tonga' ojoeon doman i intau, dega' tongonoe-mai, nongkom boeï' i Aser, i Manase bo i Seboelon, inta sinoemonsioep bo namangoi i Jeroesalem.*

12 Jo kom boeta' doman i Joeda ing kinoniataan i lima i Allah, sampe sinobatoe'nja ing gina-monia bo dinoedoeian-monia in tita in datoe bo bobatonja, podoedoei in singog i Toehang.*

13 Na'toea, nosipoen-don ko Jeroesalem i intau moanto', simba' pomiaan-monia i ramean i roti inta dia' iragian kom boelan inta nogindoea. Kom pinojogaloeman inta toea totoeoe moan-

14 to' i intau.* Noboeat-don imosia bo sinokoroemboen-monia im bajongan i medzbah, inta kinodoengkoelan ko Jeroesalem bo pakakat pononoetoengan (kokoeitan), bo iloemboe'-monia ko

15 lopa' ing Kidron.* Nopaloet-makow in toea, jo pinorata'an-monia kong ki adi' in domba silai im Pasah toea kon singgai inta nogimpoeloe' bo opat kom boelan inta nogindoea. Jo bajongan i imang minta bo intau i Lewi i nooja'-don, sampe nogamal-don imosia, noïdoedoei nongorban-don imosia kong kor-

16 ban pajongon kom baloi i Toehang.* Jo sinimindog-aon imosia, tobatoe'-tobatoe' ing kon tampatëa, podoedoei i atorang i Moesa, olit i Allah; imang toea i nopomisik in doegoe' inta

Sluiten