Tekst
Onderstaande tekst is niet 100% betrouwbaar

Esra

3 : noïlioe-don, mosia komintan in dinoeï', binali' mololoekad ko

oaidan kom baloi i Toehang. *

10 Naonda i nopaloet-don pinomia i intau mogogaid toea i aip im baloi i Toehang, jo sinimindog-don im bajongan i imang inta nogipakeang im pakeang i imang, kokada-kadai in torompet, bo intau i Lewi, bo ki adi' i Asaf lolaki, kokada-kadai i rabana, tobatoe'-tobatoe' ing kon tampatëa, simba' mondajow ko i Toehang podoedoei i atorang i Daoed, datoe i Israël. *

11 Jo nololibag-don imosia, kaimonia: „Dajo-dajowon ing ki Toehang; si mopia in Sia, totabinja ko intau Israël i oemoeran-bi' mononoi!" Kodajo-dajow ko i Toehang, jo nogio-giowan i in-

12 tau moanto', si aindon nolapat i aip im baloi i Toehang. * Tonga' mobajong i imang bo intau i Lewi bo goehangëa, inta aindon nogogoejang bo inta nokoontong-pa kong kaabah inta doengkoel, naonda i inontong-monia i aip ing kaabah naa, jo nongombal-don imosia takin singog moropot, kojogot i intau

13 tongo doea nogio-giowan. * Jo dia'-don notaau pinojotondi' i intau moanto' i ojoet ing giow im pia ing gina bo ojoet i ombal; si intau moanto' toea i nogio-giowan takin singog moropot, sampe kinodongogan ko mojajoe' ing giow-monia. *

Oaidan kong kaabah im pinopogogai-pa.

4 :1 Naonda ing kinodongogan-don ing kodop i intau i Joeda

bo i Benjamin, ko intau inta iloemboe' kolipod, i momia-don kong kaabah pohoromat ko i Toehang, ki Allah i intau Israël,*

2 jo namangoi-don imosia nokipodoengkoel ko i Seroebabil bo kong goehangëa minta im boeï', kai n singog-monia ko imonia: „Aka mobali' jo kami doman i mogaid takin monimoe; sing kami doman i motajak ko i Allah-monimoe, na' doman moïkow nion, bo kami doman ing kojongan bidon mongongorban ko iNia, kinabit kong kinodatoean i Esarhaddon, datoe i Asoer,

3 inta nomamping ko inami ko naa." * Tonga' kai n toebag i Seroebabil bo i Jesoea bo ing goehangëa minta im boeï' i intau Israël ko imonia: „Dia' kinotaauan-nami imoïkow nion; doï' ing kami mogaid taki-takin monimoe momia kom baloi silai i Allah-nami; sin tonga'-bi' kami i momia kom baloi silai i Toehang, ki Allah i intau Israël, podoedoei ing kojow i Kores, datoe im Parsi, ko inami." *

Sluiten