Tekst
Onderstaande tekst is niet 100% betrouwbaar

Nehemia

10 : Allah-naton bo oea'nja bo oekoe-oekoedëa, kaimonia: *

30 „Mongakoe ing kami: dia' ogoi-nami ing ki adi'-nami bobai ko intau kaper kom boeta' inta naa, bo dia' doman gama'an-nami ing ki adi'-monia bobai ko i adi'-nami lolaki. *

31 Oentoeon doman nami, kon dia' ing kami motaloei ko onoe-ka-don kon singgai in sabat, pinomaja' kon singgai moloben, ko intau kaper inta mopotaloei im barang bo bojo'-monia kom pasar kon singgai in sabat. Mongakoe doman ing kami, kom potomboeloi ing kopaloetan im pitoe no taöng, bio-bio'on-makow-nami ing goba'-nami bo empasan-nami ing ki inta sinomboli i intau tongo doea. (Deuter. XV). *

32 Moïdoedoei oentoeon-nami, kom potomboeloi in taöng ogoi-nami in tongo botak im pera silai im pososoemba kom baloi

33 i Allah-naton, * mangalenja: silai i roti inta pojoloetoedon, silai ing korban topong bo korban pajongon, inta korbanon potomboeloi in singgai, silai ing korban kon singgai in sabat bo kon singgai tabontasi, silai ing korban ramean, silai ing korban inta mopoojoeon i ampoengan ko intau Israël, bo silai im bajongan i oaidan kom baloi i Allah-naton."* —

34 Kon toea, noraboet doman ko nomor ing kami, imang, intau i Lewi bo intau moanto', kom pododia kong kajoe, inta diaan toemoeot kom baloi i Allah-naton kon singgai inta sinantoe'-don kom batoe'an ing ginaloem, mojo-mojoloean; kajoe inta toea popake'on pomiagan kon toeloe' kon toedoe i medzbah i Toehang, ki Allah-naton, naonda im pinahis ko atorang i Moesa. * —

35 „Pongakoe doman nami mogatod kong kaabah kon toïmbotoe' im bojo' ing goba'-nami bo toïmbotoe' im bajongan im

36 boengai ajop, kom potomboeloi in taöng. * Na'toea doman im bajongan i adi' goeja-goejang-nami lolaki bo ki adi' goeja-goejang im bobiagon-nami, in sapi, domba bo bembe'-nami podoedoei in singog inta pinahis ko atorang i Moesa, toea komintan in diaan-nami kom baloi i Allah-naton bo ogoi ko i imang

37 inta mogaid kon toea-ta. * Na'toea doman diaan-nami ing ki inta mopia totok nongkon topong, bojo' bo boengai ajop, nongko anggoer bo lana, bo ogoi ko i imang, simba' tagoe on-monia kom bonoe in toeot im baloi i Allah-naton; bo aka silaion mopoeloe', jo tongo silai im bojo' ing goba'-nami i ogoi ko intau i Lewi. Jo intau i Lewi tontani' i mopoejoet kon silai toea kom

Sluiten