Tekst
Onderstaande tekst is niet 100% betrouwbaar

Ajoeb

22 : moe. *

23 Aka simingajow iikow ko i inta Mokawasa totok bo toemonsioep,

bo poloeaionmoe i romoe' nongkom bonoe i laigmoe,*

26 jo totoeoe, mopia ing ginamoe ko i inta Mokawasa totok,

bo ikow i loemangag ko i Allah. *

27 Aka mokoeani iikow ko iNia, jo Sia i motoebag ko inimoe,

bo pokotoedoenonmoe ing ki inta dinandimoe; *

28 bajongan i niatmoe in toedoenonmoe,

bo bajag i monindar kom bajongan in dalanmoe. *

29 Si intau inta doemoeï' kom batanganëa, im pokoompa'an i Allah;

tonga' intau inta toemonsioep, im poposimparoet i Allah. *

Toebag i Ajoeb ko i Elifas:

Nogadop ing ki Allah; sebab nion, dia' motaaukoe podapot im pilikarakoe ko iNia.

23 :1 Kon toea, jo notoebag-don ing ki Ajoeb, kainia: *

3 „Taïsi', aka koema bo kinotaauankoe-don ko onda ing kodoengkoelankoe ko i Allah,

aka koema bo mobali' modapot iakoeoi ko lolitoe'anéa! *

4 Aka na'toea, jo popodapotkoe im pilikara naa ko iNia,

bo singog im bibigkoe i mopokosilang kom pilikara naa.*

5 Aka koema bo kotaauankoe-don in singog potoebagëa ko inako',

aka koema bo dongogonkoe-don in singog inta podapotea ko inako'! *

7 Aka na'toea, jo intau inta motoelid i mopokosilang kom pilikaranja kon tajowonëa,

bo moïsimparoet totok iakoeoi ko momomoetoeskoe. *

8 Tonga' aka maja' iakoeoi na' pomataan, jo dia' in Sia ing kon toea-ta,

aka maja' iakoeoi na' tojopan, jo dia' doman modoengkoelkoe in Sia; *

9 aka maja' in Sia mogaid kon dampig-moeik, jo dia' kotaauankoe;

aka simingajow in Sia in dampig-monag, jo dia' ontongonkoe. *

Sluiten