Tekst
Onderstaande tekst is niet 100% betrouwbaar

Mazmoer

3 : Ikow inta hohoromatonkoe, inta mopoloenganga ing ginakoe.*

5 Nokoeani-don iakoeoi ko i Toehang takin singog molangon,

jo totoeoe, inindongoganéa iakoeoi nongkon toedoe im boeloedêa inta mokoedoes. *

6 Inoemoelid iakoeoi bo nololot,

noïdoedoei noboei nokopondam, sing ki Toehang i nogampoi ko inako'. *

7 Dia'-don moondok iakoeoi ko intau, oempaka tongonoe-mai no raban,

inta aindon noliboe ko inako' simba' momogoeraat ko inako'.*

8 Aka mobali', jo sindog-pa, o Toehang, simparoet-pa iakoeoi, o Allahkoe!

Bajongan ing kodopkoe i aindon sinokapmoe i ajoi-monia, bo intau moromoe' i aindon irapagmoe im bagang-monia. *

9 Ki Toehang im pangkoi in salamat;

aka mobali', jo barakatmoe i moïtorop kom bajongan i intaumoe ! *

Ki Toehang im pononioengankoe. Mazmoer moloiaboeng.

4:2 O Allahkoe inta motoelid, aka mobali', jo indongog-ai-pa aka mokoeani iakoeoi!

— Ikow inta nomaloei kon sisi' ing ginakoe, sinolioeanmoe i loenganga ing gina —

aka mobali', jo kotabi-pa iakoeoi bo indongog-ai-pa i oïgoemkoe. *

7 Moanto' i intau i mosingog nanaa: „Ki ine dega' i motoendoe' kong ki inta mopia ko inaton?"

Aka mobali', o Toehang, poposindar-pa i oelinag im pogotmoe ko inami! *

8 Aindon pinopotoropmoe im pia ing gina kom bonoe in dodobkoe,

inta noïlioe kong kopopia ing gina kom pajoi bo bango' inta bontoe-bontoejoeng. *

9 Takin loenganga ing gina oemoelid iakoeoi bo mosioeg;

si Ikow, o Toehang, i mopojajoe' ing ki inta moraat kom pinogoetoenankoe. *

Sluiten