Tekst
Onderstaande tekst is niet 100% betrouwbaar

Mazmoer

6 : ki ine dega' i mondajow ko iNimoe kom pinogoetoenan

i intau minatoi ? *

7 Totoeoe, nolopi'-don iakoeoi kom pinogamoeian,

potomboeloi in dolom mobobat in tosioegankoe i loea'koe.*

8 Matakoe i nojabon-don si jobondol in dodobkoe,

noloengkojo'-don iakoeoi sim pinononingkoele ing kodopkoe. *

9 Oendok-don ko inako', e bajongan i intau moromoe'!

si aindon dinongog i Toehang i ojoet i ombalkoe. *

10 Aindon dinongog i Toehang i oïgoem do'akoe,

bo aindon sinarima i Toehang i mintahangkoe. *

11 Bajongan ing kodopkoe ing kooemaan i oja' bo mongoïtongau-makow,

polat toemolikoed ko inako', si moliau-don ing gina-monia*

Intau, sia i na' makota im bajongan i inta pinomia i Toehang.

8:2 O Toehang, o Toehang-nami, totoeoe mopia in tangoimoe kon sinangkoeb in doenia!

Kopopiamoe i noïlioe-don kom bajongan i langit. *

3 Nongkom pososingog i mongoadi' bo adi' kon tete' pinoponiatamoe ing kawasamoe,

simba moïdona' im bajongan ing kodopmoe bo intau mongoromoe'. *

4 Aka loemangag iakoeoi ko langitmoe, inta pinomia ing gonggoejamo'moe,

bo loemangag kom boelan bo bajongan in toendi inta inoekatmoe kon tampat-monia, *

5 jo onoe dega' i intau, sampe moïbog-bi' ilkow monanob ko inia, pinomaja' ki adi' i Adam, sampe toemanow-bi' ilkow ko inia? *

6 Aindon binali'moe in sia tonga'-bi' pinojotala'moe tongopi' ko malaikat,

bo imakotaanmoe in sia ing kopopia bo kamoeliaan; *

7 dinoeï moe in sia binali' momomarenta ko oaidan i limamoe; bajongan i onoe-don nodaitmoe pinogompat kon siolëa: *

8 bembe bo domba bo sapi, taki-takin im binatang kon dogami,*

9 bo lagapan kon toloengaja' bo toja' kom bonoe in dagat,

bo bajongan i inta kiba-kibaja'-mai kon dalan kom bonoe im balangon. *

43

Sluiten