Tekst
Onderstaande tekst is niet 100% betrouwbaar

Mazmoer

25 : sin tonga'-bi' intau inta toemolikoed ko iNimoe, mosia toea im pokooja'on. *

4 O Toehang, aka mobali', jo poponiata-pa ko inako' in dalanmoe bo toendoe'-pa ko inako' i loloeangmoe (inta patoet bobaja'ankoe). *

5 Popobaja' iakoeoi kong kototoelidmoe bo toendoe'-pa iakoeoi;

si Ikow ing ki Allahkoe, pangkoi in salamatkoe;

Ikow im pongongandolankoe inta mononoi. *

6 O Toehang, aka mobali', jo tanob-pa ing kopopiamoe bo totabimoe,

si mosia toea i nongko moena-monik. *

7 Aka mobali', jo dika tanobonmoe in dosakoe kon toengkoel ing kinogoeodankoe-pa,

bo bajongan in tala'koe tongo doea;

tonga' tanobonmoe iakoeoi podoedoei in totabimoe bo kopopiamoe, o Toehang! *

8 Jo ki Toehang i mopia bo motoelid;

sebab nion, toendoe'onëa in dalan ko intau inta kodosa; *

9 popobaja'nja i intau motonsioep ing gina kong kototoelid, bo poponiatanja in dalanéa (koïbogëa) ko imonia. *

10 Jo bajongan im pogogatod i Toehang i mopoojoeon in totabi bo soendoed kom bajongan i intau, inta doemodoedoei kon titanja bo kon dandianëa. *

11 O Toehang, podoedoei in tangoimoe, aka mobali',

jo ampoeng-ai-pa in tala'koe, si mobogat-don in tala' naa. * —

12 Ko onda dega7 i intau, inta moondok ko i Toehang?

Jo baing ko intau inta toea in toendoe'on i Toehang in dalan inta patoet toetoeionëa. *

13 Intau inta toea i mogogai kong ki inta mopia totok,

bo ki adi'nja bo ki ompoenja i motogi kon doenia naa. *

14 Ki Toehang i moponiata ing ginanja ko intau inta moondok ko iNia,

bo dandianëa im potaaunja ko imonia. *

15 Jo matakoe i oemoeran momatong-makow ko i Toehang; sim boelianëa in siolkoe nongko oelang. *

16 O Toehang, aka mobali', jo simingajow ko inako' bo ko» tabi-pa iakoeoi;

si moïngongow iakoeoi naa bo mododoejoe. *

Sluiten