Tekst
Onderstaande tekst is niet 100% betrouwbaar

Mazmoer

25 : 17 Kinojosisi'an ing ginakoe;

aka mobali', jo poloeaion-pa iakoeoi nongkong kororigaankoe.*

18 Tanow-ai-pa, aka mobali', in soesakoe bo boditokoe, bo ampoeng-ai-pa im bajongan in dosakoe. *

19 Indoi-ai-ka ing kodopkoe, si noanto'-don imosia, bo mojongo' totok imosia ko inako'. *

20 Tagoe'on in dimoekoedkoe bo poposimparoet-pa iakoeoi; dika pokooja'on iakoeoi, aka mobali', si Ikow im pononioengankoe. *

21 Aka mobali', jo kobobangkal bo kototoelid i moloekad ko inako';

si akoeoi mogolat (moharap) ko inimoe, o Toehang! *

22 O Toehang, boeli-ai-pa, aka mobali', i intau Israël nongkom bajongan in saged ing gina-moma! *

Kon sioengon i Toehang moloenganga ing ginakoe.

27 : lb Jo ki Toehang im bajagkoe bo salamatkoe,

ko i ine-pa dega' i moondok iakoeoi?

Ki Toehang im pononioengan in dimoekoedkoe,

ko i ine-pa dega' i motalikokog iakoeoi?

3 Oempaka toeoton iakoeoi in soroedado tongo ramponan, jo dia'-bi' lalat moondok ing ginakoe.

Oempaka toeoton iakoeoi in tantara moloben, jo moloenganga-bi' doman ing ginakoe. *

4 Aindon pinoïgoemkoe ko i Toehang im pilikara tobatoe', bo toea inta totajakonkoe, mangalenja:

aka mobali', jo mogoetoen iakoeoi kom bonoe im baloi i Toehang kom bajongan in singgai kobiagankoe,

simba' mokoontong kong kopopia i Toehang, bo mopojobaja' kon dodobkoe ing ki inta toea kom bonoe im baloinja inta mokoedoes.. *

5 Sing kon singgai inta moraat boenionëa iakoeoi ko laigea, olingoianëa iakoeoi kom bonoe im pogogoetoenanëa,

poonikëa iakoeoi kon toedoe im boeloed batoe inta molantoed."

7 O Toehang, aka mobali', jo indongog-ai-pa ing koeanikoe,

bo toebag-ai-pa iakoeoi, podoedoei in totabimoe! *

9 Aka mobali', jo dika popoolingoi im pogotmoe ko inako',

Sluiten