Tekst
Onderstaande tekst is niet 100% betrouwbaar

Mazmoer

29 : 11 Aka mobali', jo ki Toehang i mopokojoton ko intaunja, barakatan i Toehang i intaunja takin dodamean. *

Oïgoem soekoer i intau inta noïsimparoet.

30 : 2 Pokolantoedonkoe ilkow, o Toehang, si aindon binatoenmoe-monik iakoeoi,

bo dia' binio-bio'moe-makow ing kodopkoe nopia-piaan kong gina ko inako'. *

3 O Toehang, ki Allahkoe, aindon nokoeani iakoeoi ko iNimoe,

jo pinopojotonmoe iakoeoi. *

4 O Toehang, aindon binatoenmoe iakoeoi nongkom pinogoetoenan i intau minatoi;

noboeimoe biniag iakoeoi nongko joeak i intau inta noponag ko ilobongan. *

5 Pololibag-don, pohoromat-don ko i Toehang, e bajongan ing kototabinja,

dajo-dajowon in tangoinja inta mokoedoes. *

6 Sin toroe'nja in tonga'-bi' tongo kokiap i onggotéa,

tonga' totabinja ing kom bajongan in singgai kobiagan;

mololaboeng i mogogai i ombal,

bo dolo-dolom-monik i momoeka' ing giow im pia ing gina. *

7 Podoedoei ing kopompoelongkoe kain singogkoe: „Dia' lalat moïpintoed (moïtala') iakoeoi ! " *

8 Jo tonga'-bi' totabimoe inta nopokojoton ko inako';

si aka pinopokadopmoe im pogotmoe, jo polat notalikokog iakoeoi. *

9 Kon toea, jo nokoeani-don iakoeoi ko inimoe, o Toehang, bo noïgoem-don ampoeng iakoeoi ko inimoe, o Toehang. *

12 Noïdoedoei, binaloeianmoe i adodoikoe in tolibag,

aindon ilongkoetmoe im pakeangkoe ponanoban,

bo binongkolanmoe i ogotankoe im pia ing gina; *

13 simba' oemoeran dajo-dajowon ilkow ing ginakoe takin lolibag.

O Toehang, ki Allahkoe, dajo-dajowonkoe ilkow oemoeran-bi' mononoi. *

Sluiten