Tekst
Onderstaande tekst is niet 100% betrouwbaar

Mazmoer

S4 : 7 Jo naa-don i intau inta sinomboga' inta nokoeani, bo dinongog-don i Toehang,

bo pinoposimparoetëa-don in sia nongkom bajongan i roriganja. *

8 Jo malaikat i Toehang i moloekad ko liboe i intau,

inta moondok ko iNia, bo poposimparoetëa imosia. *

9 Pondam-ai bo indoi-ai ing ki Toehang, naanta mopia in Sia;

pia ing kamang i intau inta monioeng ko iNia! *

10 Kobangkal ko i Toehang, e intau inta sinontani'-don ko iNia;

si intau inta moondok ko iNia, dia' imosia kododaitan i onoe-don. *

11 Oempaka-bi' ki adi' in singa, jo kooemaan-pa-bi' doman in soesa bo gogogoion-pa doman,

tonga' ki inta motajak ko i Toehang, in dia'-don imosia kododaitan i onoe-don. *

12 E mongoadi', koligai, indongog-ai-pa in singogkoe,

simba' toendoe'onkoe ko imonimoe ing koöondok ko i Toehang. *

13 Ki ine dega' inta moïbog mobiag,

inta moïbog mokodoengkoel kong kobobiag moonggot bo kong kamang mopia? *

14 Pianja, o poloekad in sia kon dila'nja, simba' dia' mopokohaat,

bo o poloekad kom bibigëa, simba' dia' mongongoebol. *

15 Popojajoe' im batanganmoe ko inta moraat bo pomiaanmoe i mopia,

tajakonmoe in dodamean bo mogalow ko inia, simba' modoengkoel in sia. *

17 Pogot i Toehang i molawang ko intau inta moromoe',

bo pogoeraatonëa imosia, simba' dia'-don tanobon imosia kon doenia naa. *

16 Mata i Toehang i motanow-makow ko intau inta motoelid, bo bongolanëa doman ing kodongo-dongog kong koeani (ojau) -monia. *

18 Aka mokoeani imosia, jo indongogan i Toehang,

bo poposimparoetëa imosia kom bajongan ing kojosisi'an ing gina-monia. ♦

Sluiten