Tekst
Onderstaande tekst is niet 100% betrouwbaar

Mazmoer

51 : bo oemoerankoe inontong in dosakoe kon tajowonkoe. *

6 Noïtala'-don iakoeoi ko iNimoe-nimoe minta,

jo pinomiakoe ing ki inta moraat kon tajowonmoe;

simba' moniata-don ko motoelid-bi' im pomomoetoesmoe, bo dia' kotangko' onoe im pohohoekoemmoe. *

7 Jo akoeoi naa im pinononggadi'-monag kojota-jotakin in tala',

bo aindon sinarima i ina'koe iakoeoi kojota-jotakin in dosa. *

8 Totoeoe, kototoelid kom bonoe in dodob, toea ing koïbogmoe,

sebab nion, poponiata-pa in totaau (kototoelidmoe) kom bonoe ing ginakoe. *

9 Aka mobali', jo darit-ai-pa iakoeoi nongkon dosakoe takin tobaang simba' modarit iakoeoi,

bata'-ai-pa iakoeoi, simba' akoeoi i moboedo-boedo' kong kapot. *

10 Aka mobali', jo pokobotoeg iakoeoi i ibog bo pia ing gina, simba' moboei mojoton in toelan inta irimoemoedmoe. *

11 Aka mobali', jo popokadopmoe im pogotmoe kon dosakoe, bo popat-ai-pa, aka mobali', im bajongan i romoe'koe. *

12 O Allah, aka mobali', bali'-pa ing gina modarit kom bonoe in dodobkoe,

bo popotorop-pa kom bonoe in dodobkoe ing gina inta mobagoe bo morigon. *

13 Aka mobali', jo dika toeloedonmoe iakoeoi nongkon tajowonmoe,

bo dika gama'anmoe i Rohmoe inta mokoedoes ko inako'. *

14 Aka mobali', jo pongoeli'-pa im pia ing ginakoe kon salamatmoe,

bo ampoi-pa iakoeoi takin i roh (ing gina) inta kodoe-kodoedoei. *

15 Aka nanion, jo bain toendoe'onkoe in dalanmoe ko intau kotala',

simba' intau kodosa i moboei simingajow (motobat) ko iNimoe. *

16 O Allah, boeli-ai-pa iakoeoi nongkong kopopatoi, o Allah, inta mototoeloengkoe,

simba' dila'koe i mondajow kong kototoelidmoe. *

17 O Toehang, aka mobali', jo boeka'-pa im bibigkoe, ,

Sluiten