Tekst
Onderstaande tekst is niet 100% betrouwbaar

Mazmoer

118 :23 Nanion im pinomomia i Toehang;

oaidanëa toea i mokoherang ko inaton. *

24 Jo naaia in singgai, inta pinoojoeon i Toehang,

koligai, giow-don inaaia bo popia-piaan-don kong gina! *

25 O Toehang, aka mobali', jo ogoi-ai-don inaaia in salamat!

O Toehang, aka mobali', jo ogoi-ai-don inaaia ing kamang mopia! *

26 Aka mobali', jo barakatan-pa takin tangoi i Toehang, i intau inta toemoeot ko naa!

Momarakat ing kami ko imonimoe nongkom baloi i Toehang. *

27a Ki Toehang, Sia-don ing ki Allah,

Sia i noposindar im bajag ko inaton. *

28 Ikow-bi' ing ki Allahkoe, inta dajo-dajowonkoe.

O Allahkoe, Ikow-don im pokolantoedonkoe! *

29 Dajow-don ing ki Toehang, si mopia in Sia,

sin totabinja i oemoeran-bi' mononoi. *

Kopopia in singog (atorang) i Toehang.

119 : 1 Pia ing kamang i intau, inta motoelid ing gogoetoe'-monia,

inta doemodoedoei kon singog (atorang) i Toehang. *

2 Pia ing kamang i intau, inta monagoe' ko oea'nja,

bo inta motajak ko iNia takin limbatoe ing gina-monia, *

3 inta dia' momia ko inta moraat (moromoe'),

bo inta motoetoei kon dalanëa (i Toehang).*

4 Aindon inogoimoe i oea' (singog) moe,

simba' oemoeran doedoeian i intau. *

5 Aka mobali', jo pokotantoe'-don ing ginakoe,

simba' doemodoedoei iakoeoi kom bajongan i atorangmoe.* 18 Aka mobali', jo inggama'-ai-pa ing ki inta mongolob ko matakoe,

simba' ontongonkoe ing ki inta mokoherang kom bonoe i atorangmoe. *

36 Poposingajow-pa ing ginakoe ko oea'moe,

bo dika popotoetoei ing ginakoe ko oentoeng inta moraat;*

Sluiten