Tekst
Onderstaande tekst is niet 100% betrouwbaar

Mazmoer

119 : 37 popojajce'-pa i matakoe kom pojojindoi ko inta dia' baragoena;

aka mobali', jo pokobiag-pa iakoeoi in singogmoe. * 64 O Toehang, kopopiamoe in siniminggolit kon doenia naa;

aka mobali', jo toendoe'-pa ko inako' in singogmoe (atorangmoe) . *

89 O Toehang, singogmoe i aindon pinokorigonmoe ing kososindogëa

kon soroga, oemoeran-bi' mononoi; *

90 bo kososoendoedmoe kom bangoesa mojobaloei im bangoesa;

aindon inoekatmoe in doenia kon tampatëa, bo oemoeran moïsindog in sia. *

91 Podoedoei i atorangmoe, jo (langit bo boeta') i ojoeon-pa magi' inaa;

sim bajongan i onoe-don nokiompoe-don ko iNimoe. *

92 Aka koema bo singogmoe in dia' nopoloenganga ing ginakoe,

jo pinogoeraat-don iakoeoi kom bonoe i rorigakoe. *

93 Dia' lalat koliongankoe in singogmoe (atorangmoe),

sin singogmoe nion im pomomiagmoe ko inako'. * 105 Jo singogmoe i na' batangan in toga' kon tajowon in siolkoe,

na'-bi' batangan im bajag kon dalankoe. *

114 Ikow-don im pononioengankoe bo kaleaukoe;

o poolat iakoeoi kon singogmoe. *

116 Aka mobali', jo bantoeng-ai-pa iakoeoi, podoedoei in singogmoe, simba' mobiag iakoeoi,

dika pokooja'on iakoeoi im pohoharapkoe. *

147 Dolo-dolom mododop mokoeani iakoeoi,

o poolat iakoeoi kon singogmoe; *

148 kon dolom koboeka-boeka' i matakoe,

simba' popojobaja'koe in singogmoe kom bonoe in dodobkoe. *

169 O Toehang, aka mobali', jo bio-bio'-makow ing koeanikoe i modapot kon tajowonmoe,

bali'-pa iakoeoi molantap in dodob, podoedoei in singogmoe; *

170 aka mobali', jo bio-bio'-makow i oïgoemkoe i modapot kon tajowonmoe,

bo poposimparoet iakoeoi, podoedoei in dandianmoe. *

171 Jo bibigkoe i mopotaau i lolibag pondajow ko iNimoe,

si Ikow i motoendoe' ko inako' ko atorangmoe (oea'moe) ;*

Sluiten