Tekst
Onderstaande tekst is niet 100% betrouwbaar

Mazmoer

138 : aka dongogon-don-monia in singog im bibigmoe; *

5 bo mololibag imosia kon dalan (pogogatod) i Toehang, kaimonia: „Moloben ing kopopia i Toehang!"*

6 Si molantoed totok ing ki Toehang

bo tanowanëa i intau inta motonsioep ing gina,

bo kinotaauanëa nongko mojajoe' i intau mololatoe'. *

7 Aka kooemaan iakoeoi im bodito moloben, jo Ikow ï moposimparoet kong kobobiagkoe,

sin tonggo'onmoe i limamoe, pogimalow kon toroe' ing kodopkoe,

bo limamoe koloanan i moposimparoet ko inako'. *

8 Jo toedoenon i Toehang ing ki inta olatonkoe! O Toehang, totabimoe i oemoeran-bi' mononoi;

aka mobali', jo dika bio-bio'onmoe-makow i oaidan i limamoe! *

Kinototaau i Toehang.

139 : lb O Toehang, Ikow i monondoedoet bo monotaau ko inako';*

2 kinotaauanmoe-don ing kololitoe'koe bo kobobangonkoe,

kinomangaleanmoe-don nongko mojajoe' i raiankoe; *

3 sin sinondoedoetmoe-don im bobaja'koe bo kososioegkoe,

kinotaauanmoe-don ira bajongan in dalankoe. *

4 Sin dia' ing kon dila'koe in singog, oempaka tongo tontaga',

inta dia' kinotaauanmoe kotompo-tompod, o Toehang. *

5 Ikow i noliboe ko inako', kon tajowonkoe bo ko likoedkoe,

bo Ikow i mopooekat i limamoe ko inako'. *

6 Jo ki inta nion totoeoe mokoherang, dia' komangaleankoe,

totoeoe molantoed, dia' kodapotankoe. *

7 Ko onda dega' i motaaukoe pogadopan ko Rohmoe,

bo ko onda dega' i motaaukoe polagoeian kom pogotmoe?*

8 Aka koema dega' moponik iakoeoi ko langit, — Ikow doman ing kon toea-ta;

aka koema dega' mosioeg iakoeoi kom pogogoetoenan i intau minatoi,

— totoeoe, Ikow doman ing kon toea-ta! *

Sluiten