Tekst
Onderstaande tekst is niet 100% betrouwbaar

Mazmoer

147 : 7 Koligai, pololibag-don ko lolibag soekoer ko i Toehang,

poposingog-don ing gamboes, pohoromat ko i Allah-naton, *

8 ko iNia, inta monoengkoeb ko langit takin i lokoetoi, bo inta mopotooloet i oejan silai im boeta',

inta mopomoeka' im bonok kom boeloed, *

9 inta mopokaan kom bajongan im binatang,

kong ki adi' ing kawag, aka koemoeak imosia. *

10 Ropot ing kabalo, dia' ing koïbog i Toehang,

siol (ropot) i lolaki, dia' mokoïbog kong ginanja; *

11 sin tonga'-bi' intau inta moondok ko iNia, mosia toea ing koïbogëa,

intau inta mogolat kon totabinja. *

Dajow-don ing ki Toehang, e langit bo boeta'.

148 : 1 Haleloeja!

Dajow-don ing ki Toehang nongkom bajongan i langit, dajow-don in Sia kon tampat inta mongolantoed, *

2 dajow-don in Sia, e bajongan i malaikatëa,

dajow-don in Sia, e bajongan in tantaranja ko langit, *

3 dajow-don in Sia, e mata in singgai bo boelan,

dajow-don in Sia, e bajongan in toendi inta mobajag, *

4 dajow-don in Sia, e langit inta ko limonik im bajongan i langit,

bo moïkow, e toebig inta ko limonik i langit! *

5 Dajowon-monia in tangoi i Toehang;

si nosingog in Sia, polat noojoeon imosia; *

6 sinantoe'nja im posigadan-monia, oemoeran-bi' mononoi, inogoinja i atorangëa, inta dia' motaau taliban-monia. *

7 Dajow-don ing ki Toehang kon toedoe im boeta',

e moïkow, toja' mongoloben bo bajongan im balangon, *

8 e toeloe' bo oejan batoe, e tsaldjoe bo pojok,

e ikow, delang, inta mopodapot in singogëa (titanja), *

9 e moïkow, boeloed minta bo bajongan in tomboeloedëa, pangkoi ing kajoe inta momoengai, bo pangkoi ing kajoe sondana, *

10 e binatang mokaüg bo bajongan im bobiagon,

bajongan i inta loemolandai bo bajongan i inta loemolajoeg; *

Sluiten