Tekst
Onderstaande tekst is niet 100% betrouwbaar

Ponononggina

24 : 31 naanta, totoeoe, kinobiagan-makow komintan im bainggoa',

kinokoloeboengan-makow komintan im bonok ing goba' inta toea,

bo tondokea batoe i noroemboen-don komintan. *

32 Naonda i inontongkoe in toea, jo pinopojobaja'koe kon dodob,

naonda i inontongkoe in toea, pinoejoetkoe in tonggina kong ki inta na'toea, *

33 kainako': „Aka mosioeg-pa tongopi' bo motompilolot-pa tongopi',

bo mogialikokop-pa tongopi', simba' mogogai-pa tongopi', *

34 jo toeotan iikow ing koboboga', na' toeotan i intau mononakow,

bo kooemaan iikow i malarat, na' toeotan i intau mojojampat." *

12 :11 Aka ki ine inta mononggoba', jo sia toea im pobotoegon ing kaanon,

tonga' aka ki ine inta siminggoegat ko inta dia' baragoena, jo sia toea i intau pompoelong. *

28 : 19 Aka ki ine inta mononggoba' kom boeta'nja,

jo sia toea im pobotoegon ing kaanon,

tonga' intau inta mobatoek ko inta dia' baragoena,

jo sia toea im pobotoegon ing koboboga'. *

10 : 3 Dia' bio-bio'on-makow i Toehang i intau motoelid kinolampo-lampoi-makow ing gogoi,

tonga' mojongo' in Sia kon toera' i intau moromoe'. *

Kotabi intau boga':

11 : 24 Ojoeon i intau inta moïbog mobogoi,

oempaka na'toea, koonggot-koonggot kokaja-kokaja-bi' imosia;

ojoeon doman i intau inta monagoe' kon doit podoedoei ing kororinoet-monia,

oempaka na'toea, koonggot-koonggot kojontot-kojontot-bi' ing kajoeonan-monia. *

25 Jo intau inta momoera ing gina, sia toea i ogoian i moanto',

bo ki ine inta mopoïnoem, sia toea im poïnoemon. *

Sluiten