Tekst
Onderstaande tekst is niet 100% betrouwbaar

Ponononggina

14 : 31 Aka ki ine inta monomboga' ko intau moïntok,

jo sia toea i moningkoele ko i Toehang, inta nopokobali' ko intau moïntok,

tonga' aka ki ine inta motabi ko intau boga',

jo sia toea i mohoromat ko i Toehang. *

19 : 17 Aka ki ine inta mopoontong in tabinja ko intau boga',

jo sia toea i mopoloean ko i Toehang;

bain toeli'an i Toehang i oaidan i intau inta toea. *

21 : 13 Aka ki ine inta doï' mokidongog ko ombal i intau boga',

jo sia doman tontani' i mokoeani,

tonga' dia' onda i intau inta mokidongog ko inia. * 28 : 27 Aka ki ine inta mobobogoi ko intau boga', jo sia toea in dia' moboga',

tonga' intau inta momilog ko matanja bo doï' moïndoi ko intau boga',

jo boetoengon in sia. *

17 : 5 Aka ki ine inta mopokooja' ko intau boga', jo sia toea i moningkoele ko i Toehang, inta nopokobali' ko intau boga';

bo aka ki ine inta monogikirik, jo sia toea ing kooemaan im bala. *

22 : 22 Dika agowon ing kajoeonan i intau boga', sim boga' in sia,

bo dika moritak ko intau mododoejoe ko lolingkop i lipoe' (kom pasar); *

23 sing ki Toehang i mopototoeoe kom pilikara-monia bo momatoi ko mojojampat-monia. *

Sosabaran:

15 : 18 Intau inta motojong toemoroe', sia i mopomoeka' i jogenggeng,

tonga' intau inta kososabaran, sia i momiong ko jobibig. *

16 : 32 Intau kososabaran, sia i monalow kom bogani,

intau inta momarenta totok kom batanganëa tontani', sia toea i moropo-ropot ko intau inta nonalow ko lipoe' tongo lipoe'an. *

Jogenggeng:

10 :12 Naanta, jongo' i mopoojoeon i jogenggeng (jobibig),

tonga' totabian i monoengkoeb kom bajongan in tala' (in tongopotakin). *

19 Aka moanto' in singog, jo mologit-makow motojong moïtala',

Sluiten