Tekst
Onderstaande tekst is niet 100% betrouwbaar

Jesaja

Goba' i anggoer i Toehaag.

5:1 Jo naaia moïbog-don iakoeoi mopodongog in tolibag ko jobajatkoe,

tolibag kong kototabikoe bo kong goba' i anggoerëa.

Jo jobajatkoe toea ing ki togi kong goba' i anggoer kon toedoe in tomboeloedéa, inta motobai im boeta'nja. *

2 Aindon sinondokëa bo ininggama'anëa im bajongan im batoe kong goba' toea,

pinomoelaanéa ing goba' toea kom pangkoi i anggoer inta mongopia;

pinosindogëa i langkeang ko joeak ing goba' toea, bo pinakangëa doman kon toea-ta im pololidokan kom boengai i anggoer.

Noïdoedoei, nogolat in sia kom boengai i anggoer,

tonga' boengainja i noboeroek-don komintan! *

3 Jo naaia, e moïkow intau i Jeroesalem, bo moïkow e lolaki minta i Joeda,

pianja, poetoeson-monimoe im pilikarakoe takin ing goba' i anggoerkoe. *

4 Goba' i anggoerkoe, ponoonoekoe-pa ing ki inta dia'-pa pinomiakoe ko inia?

Nongonoe sin tonga'-bi' nomoengai in sia ko inta nongoraat?

bo patoet-bi' momoengai in sia kom boengai i anggoer inta mongopia. *

5 Sebab nion, naaia im potaaukoe-don ko imonimoe onoe inta pomiaankoe kong goba' i anggoerkoe naa:

roemboenonkoe in tondokëa, simba' modait kaanon im binatang in tombonoenja,

bo kokaionkoe in tondokëa batoe, simba' roenta-roentaion in sia; *

6 bali'onkoe-don dogami ing goba' naa bo dia'-don inginon bo pasoion,

oemaan ing kobiagan in doegi bo bainggoa';

bo kain singogkoe kong golom: Dika-don mongoejan kong goba' naa! *

7 Jo naanta, totoeoe, intau Israël i na' tongkai-don ing goba'

Sluiten