Tekst
Onderstaande tekst is niet 100% betrouwbaar

Jesaja

6 : kamakow: Kom pokokidongog-monimoe ing kodongogan-moni-

moe, tonga' dia' komangalean;

kom pojojindoi-monimoe im poïndoian-monimoe, tonga' dia' pomonoe kong gina. *

10 Pokodolom in dodob im bangoesa inta naa,

pokobongol im bongolan-monia bo pokobilog i mata-monia; simba' dia' mokoontong i mata-monia bo dia' mokodongog im bongolan-monia,

bo dia' komangalean ing gina-monia, simba' dia' motobat imosia bo jotonan." *

11 Kon toea nolibo' iakoeoi, kainako': „Tongonoe dega' i onggotêa? "

Kain toebagea: „Oemaan i lipoe' minta i roemboenon, bo dia' onda i intau inta mogoetoen kom bonoenja,

oemaan im bajongan im baloi in tokotala'an i intau, bo boeta' pononggoba'an i mobali'-don dogami, *

12 bo intau i loemboe'on-don i Toehang kom boeta' inta mojajoe',

bo moanto' i lipoe' inta sinala'an i intau." *

Tonggina ko i Achas.

7 : 1 Kon toengkoel-pa ing ki Achas, ki adi' i Jotam, datoe

i Joeda, jo noboeat-don ing ki Resin, datoe i Aram, bo ki Pekah, datoe i Israël, minaja' i Jeroesalem simba' moropatoi; tonga' dia' notaau notoeot ko lipoe' inta toea imosia. *

2 Naonda im pinotaau-don i intau kom bangoesa i Daoed, kaimonia: „Intau i Aram i aindon nopakat (nododandian) takin i intau i Efraim (Israël)," jo nodolodok-don ing gina in datoe bo gina im poparentaanëa i na' tongkai-don im pangkoi ing kajoe kong kajoeon inta pogogitog-mai in tompot. *

3 Kon toea, kain singog i Toehang ko i Jesaja: „Baja'-don loemoeai ko lipoe', iikow taki-takin i adi'moe ki Sjear-Jasjoeb (=agatea i motobat), maja' mokipodoengkoel ko i Achas, kom popod im patat in tabang ko limonik, kon dalan inta maja' im

4 pogogiladan kom pakeang, * bo pogoeman-monag ko inia, kamakow:

Mogojong kong ginamoe. Dika moondok bo dika moliau

Sluiten