Tekst
Onderstaande tekst is niet 100% betrouwbaar

Jesaja

11 : Roh inta mokopandoi bo inta mokotanang kong gina,

roh inta motaau mogatod bo inta moropot,

roh inta mopoojoeon in totaau nongko i Allah bo ondok ko i Allah. *

3 Dia' momoetoes in sia kom pilikara podoedoei im pojojindoi i mata,

dia' doman mohoekoem in sia podoedoei i inta dinongogëa; *

4 si momoetoes in sia kom pilikara i intau moïntok,

podoedoei ing ki inta totoeoe,

bo momoetoes in sia kom pilikara i intau inta sinomboga', podoedoei ing kototoelid;

bo intau mononomboga' i lotoeponëa in sosambok in dila'nja, bo intau moromoe' im patoion ing gina im bibigêa. *

5 Sing kototoelid, toea im bongkol i ogotanêa;

bo ki inta totoeoe, toea im baag (bongkol) i ogotanêa. *

6 Kon toengkoel in toea, goerk i mojogaloem takin i adi' in domba, (tagoedang i mojogaloem i oengkoe')

bo masang i mosioeg mojotakin ing ki adi' im bembe',

bo ki adi' in sapi bo ki adi' in singa i mojotakin mokaan kom bonok kon dogami,

bo loekadan i adi' lolaki moïntok. *

7 Sapi kobaaian bo beroeang kobaaian i mojobajat,

bo ki adi'-monia i mosioeg mojotakin.

Singa doman i mokaan kom bonok na' tongkai in sapi. *

8 Jo adi' in tete' i mogogitog kon dioeg im boeboe' i oelag oepoe-oepoeng,

bo adi' moïntok i mopotoeot i limanja kom boeboe' i oelag mobisa. *

9 Dia'-don onda ing ki inta momia ko inta moraat pinomaja' momogoeraat

kon sinangkoeb im boeloedkoe inta mokoedoes;

sin totaau ko i Allah in siminggolit kom boeta', na' tongkai in toebig inta nongolob kong keroe' in dagat. *

10 Jo kon singgai inta toea, simindog-makow im polimping

i Isaï, (ing ki Almaseh)

na' tongkai im bandera silai im bajongan i intau,

inta mamangoi mokipodoengkoel ko inia, bo pogogoetoenanëa in totoeoe mopia. *

Sluiten