Tekst
Onderstaande tekst is niet 100% betrouwbaar

Jesaja

46 : dia' molaloi im pototoboetkoe. Poposimparoetkoe in Sion, bo ogcikoe ing kopopiakoe ko intau Israël. *

Olit i Toehang.

49 : 1 (Kain singog i olit i Toehang):

Indongog-ai-pa iakoeoi, e bajongan i liboeton!

taan-pa im bongolan, e bajongan im bangoesa kom boeta' rnojajoe'!

Ki Toehang i nogoïni' ko inako' kinabit nongkon singgai pinononggadi'an ko inako',

nonangoi in Sia kon tangoikoe kinabit nongkom boboeladi'an; *

2 bibigkoe im binali'nja na' tongkai in soemala molanit,

inolingoianéa iakoeoi i olinow i limanja koloanan, pinomianja iakoeoi na' tongkai in tonggadi' im piot inta pinokolanit,

inta binoeninja kom bonoe im pobobonoean kon tonggadi' im piot. *

3 Aindon pinogoemanéa ko inako', kainia: „Ikow i olitkoe,

e Israël, ko inimoe doman im pondajowankoe kon tangoikoe!" *

4 Tonga', kain singogkoe: naanta, dia' baragoena iakoeoi in sinimilopi',

bo dia' baragoena iakoeoi in siniminggoegat;

tonga' totoeli' i lopi'koe, toea ko i Toehang,

tondan i oaidankoe, toea ko i Allahkoe. *

5 Jo naaia mosingog ing ki Toehang, inta nonoolit ko inako',

kinabit nongkom pinononggadi'an ko inako',

limba' poboeikoe ko iNia im boeï' i Jakoeb inta noïtabat, bo popodondonkoe-don ko iNia im bajongan i intau Israël, — totoeoe, ihoromat iakoeoi kon tajowon i Allah,

bo ki Allahkoe i ropotkoe, * —

6 kain singog i Toehang ko inako': „Ikow in deeman-bi' tonga' olitkoe,

inta moboei moposindog im boeï' i Jakoeb bo mopoboei im bajongan i intau Israël inta kinotala'an-pa,

si ikow im pomiaankoe bajag silai im bajongan im bangoesa,

simba' salamatkoe i modapot kom popod in doenia. *

Sluiten