Tekst
Onderstaande tekst is niet 100% betrouwbaar

Jesaja

49 :13 Giow-don, e langit! popia-piaan-don kong gina, e boeta'! giow-don, e bajongan im boeloed!

sing ki Toehang doman i nononggina ko intaunja,

bo pinoontongëa in totabinja ko intaunja inta sinomboga'.*

14 Tonga' kain singog in Sion: „Aindon sinala'an i Toehang iakoeoi,

kinoliongan-don i Toehang iakoeoi!" * —

15 Mobali'-bi' dega' im bobai tobatoe' i mokoliong ko i adi'nja inojod inta mononete'-pa,

bo dia' kotabinja ing ki adi'nja inojod nongkom boboeladi'anéa ?

Tonga' aka dega' panga' kolionganëa-bi',

dia' mobobali' iAkoeoi i mokoliong ko inimoe! *

16 Indoi-ai-ka, aindon kinoeï'koe iikow kom palad i limakoe,

benteng i lipoe'moe (inta iroemboen) oemoeran kon tajowonkoe. *

17 Dia'-don moonggot, mamangoi-don i intau inta moboei moposindog i lipoe'moe inta iroemboen,

bo intau inta nomogoeraat ko inimoe in toemala'-mai ko inimoe. *

18 Sintak-don i matamoe, indoi-ai-moe liboe-liboe!

Nojosipoen-don im bajongan-monia bo mamangoi mokipodoengkoel ko inimoe.

Totoeoe, mopongibot iAkoeoi ing kobobiagkoe, kain singog i Toehang,

bajongan i intau inta toea pake'onmoe na' tongkai i lamba',

loemamba' iikow im batanganmoe takin monia na'-don bobai nonikaan (broid) tobatoe'. *

19 Sim bajongan i lipoe'moe inta iroemboen bo boeta'moe inta pinogoeraat,

in dia'-don mokotoekid kom bajongan i intau inta toemonggolitoe' kon toedoenja,

bo intau inta nomogoeraat ko inimoe, aindon inoemoendok, nojajoe'-don ko inimoe. *

20 Kon toengkoel in toea, jo ikow inta dia' kogadi' naaia,

i mokodongog kon singog i adi'moe, kaimonia:

„Boeta' inta naa totoeoe mokidit ko inami,

52

Sluiten