Tekst
Onderstaande tekst is niet 100% betrouwbaar

Jesaja

55 : deeman-ka kokaanon,

bo siniminggoegat-bi' imoïkow ko inta dia' mokobotoeg?

Pokopia im pokokidongog-monimoe ko iNako' bo mokaan ko inta mopia,

simba' mopia ing gina-monimoe kong kaanon inta mongopia bo nobontoe-bontoejoeng. *

3 Taan-pa im bongolan-monimoe ko iNako' bo koligai. mamangoi ko iNako',

indongog-ai, simba' moboei mobiag in dimoekoed-monimoe;

sim pomiaankoe in dandian mononoi takin monimoe, bo ogoikoe in totabi inta sinogoesilai i Daoed. *

4 Naanta, aindon dinoeï'koe ing ki Daoed (im boeï' i Daoed),

binali'koe na' tongkai in tomponoeot kom bajongan im bangoesa,

na' tongkai in datoe bo momomarenta kom bangoesa minta.*

5 Naanta, bangoesa inta dia' kinotaauan-monimoe, i oïni'on-monimoe,

bo bangoesa inta dia' nototaau ko imonimoe, i mamangoi

mokipodoengkoel ko imonimoe sebab ki Toehang, ki Allah-monimoe, ki inta mokoedoes ko intau Israël,

sim pinokoloben i Toehang imoïkow. *

6 Aka mobali', jo tajakon ing ki Toehang kon dia'-pa mojajoe' in Sia,

koeani ko iNia ko a pa modioeg in Sia. *

7 Pianja, intau moromoe' i monala'-mai kon dalan-monia, bo intau moraat i monala'-mai kom pororai-monia inta moraat,

bo motobat imosia ko i Toehang, simba' kotabi i Toehang imosia,

motobat ko i Allah, si monanid in Sia mobogoi ampoengan. *

8 „Sim pororaikoe in deeman-bi' na' tongkai im pororai-monimoe,

bo dalan-monimoe nion in deeman-bi' na' dalankoe", — nanion in singog i Toehang * —

9 ,,Si naonda ing kololantoed in sigad i langit bo boeta', na' doman nion ing kololantoed in dalankoe i noïlioe kon dalan-monimoe,

Sluiten