Tekst
Onderstaande tekst is niet 100% betrouwbaar

Jesaja

60 : ko boelawan bo salaka im bangoesa i intau in diaan ko

inimoe. *

6 Kawangan i onta (kafila) in siminggolit kon toedoe im boeta'moe,

onta bata' nongkom boeta' i Midian bo Efa;

bo nongkon Sjefa doman i mamangoi im bajongan i onta inta dinatogan,

modia-mai kom boelawan bo boeboek,

bo mopomaloe' imosia ing kololoben i Toehang takin pia ing gina. *

7 Bajongan im bobiagon nongkong Kedar in sipoenon ko inimoe, l)o bajongan in domba kolakian nongko i Nebajot i mamangoi mokipodoengkoel ko inimoe;

moponik imosia ko medzbahkoe takin pia ing gina,

simba horomaton-monia im baloikoe inta pososambajangan.*

8 Ki ine dega' imosia toea inta iloemajoeg-magi'

na' tongkai i lokoetoi, na' tongkai im paloma tongo paanan ? *

9 Jo mosia toea ing kapal minta nongkom boeta' mojajoe', inta iloemeag mamangoi mokipodoengkoel ko inako',

kapal minta nongkon Tarsis i monongkioena, —

modia imosia ko i adi'moe lolaki nongko mojajoe';

salaka bo boelawan-monia in dinia-monia takin monia silai in tangoi i Toehang, ki Allahmoe,

ko i inta mokoedoes ko intau Israël, inta nopokolantoed ko inimoe. *

10 Intau ango-angoi i moposindog im bentengmoe (dewalamoe),

bo datoe-monia toea i motoeloeng ko inimoe.

Si naonda in dinoemokot-don in toroe'koe, jo binongkoegkoe iikow,

tonga' podoedoei in totabikoe noboeikoe kinotabi iikow. *

11 Jo bajongan i lolingkop i lipoe'moe i oemoeran koboeka-boekat,

singgai bo dolom dia' lolingkopan,

simba' diaan toemoeot ko inimoe im boelawan bo salaka i intau kaper,

inta atodon in datoe-monia. *

13 Jo kopopia doman i Libanon i mamangoi ko inimoe,

mangalen ja: kajoe sondana bo oejoe' bo lokoejoe' jota-jotakin,

simba' lamba'an-monia i lipoe'koe inta mokoedoes,

Sluiten