Tekst
Onderstaande tekst is niet 100% betrouwbaar

Jesaja

60 : bo boelanmoe in dia'-don lalat moïntok;

sing ki Toehang, Sia-don im bajagmoe inta mononoi,

bo singgai ponanobanmoe ko inta minatoi ai modait. *

21 Jo bajongan i intaumoe komintan intau inta mongotoelid,

mosia toea i motogi kom boeta', oemoeran-bi' mononoi, mosia i na' tongkai im polimping kom pomomoelaankoe,

bo na' oaidan i limakoe inta mopia totok im batanganéa. *

22 Intau inta moïntok totok, sia-bi' im pomoeka'an i intau tongo riboe,

bo ki inta mododoejoe totok, sia-bi' im pomoeka'an im bangoesa moloben.

Jo ki inta naa im pokolamemetonkoe bo toedoenonkoe ko wakoetoenja. *

Taba' i Toehang, inta mopomaloe' ing koöangoi in salainat.

61 :1 Ojoeon-don i Roh (Gina) i Toehang ing ko inako',

si aindon dinoeï' i Toehang iakoeoi; pinotaba'nja iakoeoi simba' mopotaau i chabar mopia ko intau inta sinomboga',

simba' monompia ko intau inta na'-don noloenggom ing ginanja,

simba' mopomaloe' i loloeai ko intau inta kom bonoe im pandjara,

bo pomomoeli ko intau inta inomantoengan; *

2 simba' mopomaloe' in taóng inta popoontongan i Toehang ing koïbogëa,

bo singgai inta popoontongan i Allah-naton in totoeli'nja kong kodopëa;*

3 simba' mopoloenganga ing gina im bajongan i intau inta monanob-makow,

bo loboed ko oeloe-monia in tolioean (i Toehang) i makota (papodong),

bo koloeboeng i intau inta monanob in tolioean i lana mobondoe,

saged ing gina (monia) in tolioean i lolibag pondajow; kon toengkoel in toea, tangoian imosia: Pangkoi ing kajoe inta mongotoelid,

pomomoelaan i Toehang inta mopia totok im batanganéa.*

4 Mosia toea i moboei moposindog i lipoe' inta aindon iroemboen

Sluiten