Tekst
Onderstaande tekst is niet 100% betrouwbaar

Jeremia

2 : jo pinogoeraat-monimoe im boeta'koe,

pogompoeonkoe im pinomia-monimoe koiojongo'an. * 8 Jo imang, dia'-bi' nolibo' imosia, kaimonia: „Ko onda dega' ing ki Toehang?"

bo chatib inta mopopomangale ko atorangkoe, in dia'-bi' nototaau ko iNako',

bo panggoeloe minta in sinoemolikoed-bi' ko iNako', bo nabi minta i monomaja' aka kinotoropan-don in doeata i Baal,

bo dinoemoedoei kon doeata inta dia' mokotoeloeng.*

11 Nokoimontan-don dega' im bangoesa tobatoe' i noponolioe in doeatanja?

— oempaka doeata toea deeman totok Allah. —

Tonga' intaukoe, pinonolioe-monia ing kopopianja (ki Allahnja)

kon doeata, inta dia' mokawasa ko onoe-ka-don. *

12 Limingga-linggau kong ki inta na'toea, e bajongan i langit!

bo oemoejot kong ki inta na'toea, e boeta'! *

13 Si intaukoe i nomia kon dosa apid, mangalenja:

sinala'an-don-monia iAkoeoi, inta na' boekaka' in toebig inta dia' mogogiot,

bo pinakang-monia ko imonia im pobobonoean kon toebig i oejan inta nobotak-don,

inta dia' motaau pobonoean kon toebig, sin toejoe'an. *

14 Olit dega' ing ki Israël, pinomaja' pinononggadi' in sia dega' na' tongkai i ata?

Nongonoe sin dinomok-bi' in sia, *

15 bo singa bata' i oemanggo-anggor ko inia?

Nongonoe sim boeta'nja i aindon pinogoeraat,

bo lipce'nja i aindon sinoeroeb bo dia'-don pogoetoenan i intau? *

16 sampe intau i Nof bo intau in Tahpanhes (intau i Masir) notalikokog bo nongombal ko inimoe. *

17 Bodito nion deeman-ka pinoojoeon in dosamoe tontani', sin sinoemolikoed-don iikow ko i Toehang, ki Allahmoe? *

18 Sebab nion, nongonoe si minaja'-bi' iikow i Masir,

simba' monginoem kon toebig i Nil (mokitoeloeng ko Masir) ? nongonoe si minaja'-bi' iikow i Asoer, simba' monginoem kon toebig i Eufrat ? *

19 Totoeoe, kororomoe'moe tontani' i mopororiga ko inimoe,

Sluiten