Tekst
Onderstaande tekst is niet 100% betrouwbaar

Jeremia

7 : 31 haat-monia im baloikoe. * (Pinogindoea) pinoposindog-monia

in Tofet (= pomomajongan ko adi') ko lopa' i adi' i Hinom, simba' pajongon-monia ing ki adi'-monia lolaki-bobai kon toea-ta. Jo ki inta toea in dia' lalat pinongojowkoe ko imonia bo dia' lalat nomoeka' kon dodobkoe. *

32 Sebab nion — kain singog i Toehang — moïangoi in singgai inta nion tajow-mai, jo tampat inta toea in dia'-don tangoian: Tofet, pinomaja': Lopa' i adi' i Hinom, sin tangoian-don: Lopa' pololimodan. Sin Tofet inta toea im pomiaan-don tambak, sin dia'-don onda im polobongan (kom bajongan i intau inta limodon kon dodai in toea). *

Gojong-gojong i Jeremia.

8 : 18 Adodoi, jobondol ing ginakoe in dia'-don kolipoian,

ginakoe komintan i motakit-don! *

19 Naanta, kinodongogan-don i ojoet ing koeani i intaukoe

nongkon sinangkoeb in boeta', kaimonia:

„Dia'-don dega' ing ki Toehang kon Sion?

dia'-don dega' in datoenja kon toea-ta?

Nongonoe si nopogogingot-bi' imosia ko iNia takin in toelada in doeata-monia,

takin ing ki inta dia' baragoena, inta nongkom boeta' tongo doea? *

20 Jo pokokojoet i aindon noïtalib, bo piau i aindon nopaloet,

tonga' kita naa, kaasi', in dia'-pa noïsimparoet! *

21 Jo intaukoe ing ginomoe-gomoe'-don, sebab nion na'-don noloenggom ing ginakoe,

nogipakeang iakoeoi i morondi', kinotalikokogan iakoeoi.*

22 Dia'-don dega' kodoengkoelan ko oendam ing kong Gilead? Dia'-don dega' kodoengkoelan ko mongongoendam ing kon toea-ta ?

Nongonoe sin dia'-pa-bi' inoendaman ing kekeb i intaukoe ? * 9 :1 Kaasi', aka koema bo mobali' jo oeloekoe i mobali' toebig bo matakoe i mobali' boekaka' in toebig!

simba' mongombal iakoeoi dolom bo singgai ko intaukoe inta sinoïngkekeban. *

Sluiten