Tekst
Onderstaande tekst is niet 100% betrouwbaar

Jeremia

Tonggina kom boei' in datoe.

21 :11 Jo pogoemanmoe kom boeï' in datoe i Joeda, kamakow:

E boeï' i Daoed, indongog-ai-pa in singog i Toehang! *

12 Kain singog i Toehang: „Oemoeran-moniinoe poetoeson im pilikara podoedoei ing kototoelid.

bo gama' ing ki inta ijampat nongko lima i intau mononomboga',

simba' dia' toemagab in toroe'koe na' tongkai in toeloe', bo momokak, bo dia' onda i intau inta mokopiong,

sebab romoe' i oaidan-monimoe." *

Sindojo' kong komalig.

13 Kain singog i Toehang: „Totoeoe, ikow in toroe'ankoe,

e benteng ko lobakëa, e boeloed batoe ko lopa'nja,

e ikow, inta nosingog nanaa: Ki ine dega' i mobarani motoeboe ko inako'?

ki ine dega' in toemoeot kom pogogadopankoe? *

14 Akoeoi i motoeli' ko inimoe podoedoei i alod i oaidanmoe,

biagonkoe in toeloe' kong kajoeonmoe,

inta modait momajong kom bajongan i inta ko liboemoe." •

Singog ko i Joahas (Sjaloem) inta ilaboe'an bo dinia ko Masir.

22 :10 Dika-don mogogojau kon (datoe ki Josia) inta nogopang-don,

bo dika-don mokiadodoi ko inia.

Mani', mogogojau-don ko inia inta minaja'-don (ko i Joahas);

sin dia'-don moïboei-mai in sia,

bo dia'-don boeionëa ontongon im boeta' inta kinobotakan i impoejoeanëa. *

11 Si nanaa in singog i Toehang ko i Sjaloem (Joahas), ki adi' i Josia, datoe i Joeda, inta nobali' datoe nononggoloean ko i ama'nja, ki Josia, inta iloemoeai-don nongko lipoe' naa, kain

12 singog i Toehang: „Dia'-don moïboei-mai in sia ko naa; * si matoi-don in sia kom boeta' inta pinoloemboe'an ko inia, bo dia'-don boeionëa ontongon im boeta' inta naa." *

Sluiten