Tekst
Onderstaande tekst is niet 100% betrouwbaar

Jeremia

23 :4 Kon toengkoel in toea, doeï'onkoe ing gombala inta moloekad totok ko imonia,

bo dia'-don moondok pinomaja' motalikokog bo mooejot imosia. Nanion in singog i Toehang." *

5 Kain singog doman i Toehang: „Totoeoe, nion tajow-mai in singgai bo poojoeononkoe ing ki ompoe i Daoed inta motoelid, datoe inta momarenta na' tongkai in datoe inta mopandoi,

inta mopobaja' ing ki inta motoelid bo ki inta totoeoe kom boeta' inta naa. *

6 Kong kodatoeanëa, jo Joeda i mokodoengkoel kon salamat,

bo Israël i mogoetoen takin loenganga ing gina.

Jo datoe toea in tangoian-monia: Ki Toehang im pangkoi in salamat-naton." *

Sindojo' ko nabi mooebol.

13 Totoeoe, aindon inontongkoe ing ki inta moraat ko nabi minta kon Samaria,

si nonomaja' imosia takin tangoi i Baal bo pinopotabat-moma i intaukoe Israël. *

14 Tonga' ko nabi minta ko Jeroesalem inontongkoe ing ki inta moromoe' totok,

mangalen ja: nonoelaling bo nongoebol imosia, notoeloeng imosia ko intau moraat, sampe dia' nomait i intau toea ko romoe'-monia.

Mosia toea komintan i na' tongkai in Sodom ko iNako', na' tongkai i intau ing Gomora. *

15 Sebab nion, nosingog ing ki Toehang im bajongan in tantara ko langit ko nabi toea, kainia: „Popokaankoe ko imonia i opojoe

bo popoïnoemkoe ko imonia im ponggaing.

Si nabi i Jeroesalem im pinomoeka'an 1 romoe',

inta nonantai kon sinangkoeb im boeta'." *

16 Kain singog i Toehang im bajongan in tantara ko langit:

„Dika imoïkow mokidongog kon singog i nabi inta toea! ki inta pinotaau-monia ko imonimoe, dia'-bi' onoe-onoe;

ki inta siningog-monia in tonga'-bi' nomoeka' ko raian-monia tontani',

deeman-bi' singog inta iloemoeai nongkom bibig i Toehang."*

Sluiten