Tekst
Onderstaande tekst is niet 100% betrouwbaar

KI M I C H A.

1:1 Jo naa in singog i Toehang, inta noïangoi ko i Micha, intau

i Moresja, — kon toengkoel-pa i Jotam bo i Achas bo i Hiskia, datoe minta i Joeda, — inta inontongêa bo inta moïoema kon Samaria bo ko Jeroesalem.

Sindojo' kon Samaria.

2 Indongog-ai-pa, e bajongan im bangoesa i intau,

taan-pa im bongolan, e doenia takin in tombonoenja;

sing ki Toehang i mopodongog im pononakoesinja kon tajowonmoe,

mangalenja: ki Toehang inta nongkong kaabahnja inta mokoedoes. *

3 Indoi-ai-ka, iloemoeai ing ki Toehang nongkom pogogoetoenanëa,

moponag in Sia bo moritak kon toedoe im boeloed minta. "

4 Mololang im bajongan im boeloed kon sioep in siolea,

na' tongkai in tajoe inta mololang kon toeloe',

bajongan i lopa' i motatai na' tongkai in toebig,

inta binoetak-monag kom pompang. *

5 Jo nion komintan i mobali' sin tala' i Jakoeb,

bo sebab dosa im boeï' i Israël.

Ko onda dega' im pinomangkoian in dosa i Jakoeb?

Deeman-ka dega' kon Samaria?

Ko onda dega' im pinomangkoian in dosa im boeï' i Joeda? Deeman-ka dega' ko Jeroesalem?*

6 Sebab nion, roemboenonkoe in Samaria,

bali'onkoe i lipoe' inta toea na' tongkai im boeta' moton-

dodai,

inta pomiaan goba' i anggoer;

batoe in Samaria im popolilidkoe-monag na' lopa',

sampe koontongan im bajongan i aipea; *

7a bajongan in toeladanja i rimoemoedonkoe,

bo bajongan ing kajoe pososoembaanëa im pajongonkoe kon

toeloe'. *

Sluiten