Tekst
Onderstaande tekst is niet 100% betrouwbaar

Micha

2 : Dia'-don dega' kososabaran ing ki Toehang?

Na'toea dega' i oaidanèa?

Dia'-don dega' mopia in singog i Toehang ko intaunja Israël ? *

c. Toebag i Micha ko imonia toea.

8 Moïkow nion ing kodop i intaukoe,

moïkow i motoeboe ko intau inta mododamean takin monimoe,

moïkow i mongagow kom pakeang i intau toemotalibf, bo diaan-monimoe imosia na' tongkai i intau sinonggata. *

9 Boeloi bobai i intaukoe i inoentoen-monimoe,

pinopojajoe' imosia ko adi' inta kototabi-monia;

dapotëa, ina' inta mopotete'-pa ko i adi'-monia,

inagow bo pinopojajoe'-monimoe ko i adi'-monia. *

10 Sindog-don imoïkow, baja'-don! Dia'-don motaau imoïkow mogoetoen ko naa!

Pogoeraaton-don totok imoïkow, podoedoei i romoe'-monimoe; dapotëa, jopoe'on imoïkow. *

11 Aka moïangoi-don i intau inta mopomaloe' ko imonimoe kong ki inta na' tompot bo oebol, kainia: „Tomaja'onkoe ko imonimoe i anggoer bo sopi!" — jo nabi inta na'toea, sia ing koïbog i intau moanto' nion. *

Sindojo' ko mogogatod ko intau.

a. bobato.

3 : 1 Indongog-ai-pa, e bobato minta i Jakoeb, e momomarenta

kom boeï' i Israël!

dia' patoet dega' imoïkow i mototaau ko inta motoelid ? *

2 (Tonga') moïkow i mojongo' ko inta mopia bo motabi ko inta moraat,

mololilit kong koelit i intau bo mogoginsimoet kon tapoe' kon toelan-monia. *

3 Totoeoe, mokaan imosia kon tapoe' i intaukoe,

bo mololilit kong koelit-monia bo mororimoemoed kon toelan-monia;

kinokai-monia i intaukoe na' tongkai in tapoe' im ponoja' kong koejon, na' tongkai im bonsi-bonsigan in tapoe' im ponoja' kom bonoe i roemping. *

Sluiten