Tekst
Onderstaande tekst is niet 100% betrouwbaar

Habakoek

S : simba' toeloenganmoe ing ki inta dinoeï'moe;

rimoemoedonmoe im baloi i intau moromoe',

kokaionmoe i aipëa sampe koontongan in doempilat. *

14 Takoelonmoe i oeloe im bogani,

inta motoeot ko inami simba' mopojotaboed ko inami,

inta morogiow na'-bi' batangan i moïbog imosia mokaan ko intau boga' kom pinogadopan-monia. *

15 Ritakonmoe ing kabalo-monia kon dagat, kom porogotoepan in toebig moanto'. *

16 Naonda in dinongogkoe-don ing ki inta na'toea, jo inoemoejot i awakkoe;

naonda in dinongogkoe-don ing gotoep inta na'toea, jo nojodangko' im bagangkoe;

toelankoe ing kinooemaan in talikokog bo nojodoepa' in doeloedkoe.

Totoeoe, moïbog iakoeoi in singgai kojosisi'an ing gina toea i moïangoi ko intau inta motoeot ko inami. *

Pohoharap i intau motoelid ko i Toehang.

17 Oempaka pangkoi im bango' in dia'-don momoengai,

bo pangkoi i anggoer in dia'-don mobogoi im boengainja, bo boengai ing kopi in dongka bidon mojakag,

bo goba' minta in dia'-don mopomoeka' im bojo', bo dia'-don onda im bembe' kon dogami,

bo nojopoe'-don in sapi ko lantoeng, *

18 oempaka-bi' na'toea, jo mopia-bi' ing ginakoe ko i Toehang, bo mondajow ko i Allah inta moposimparoet ko inako'. *

19 Ki Toehang, Sia-don i ropotkoe,

bali'onëa in siolkoe na' tongkai in siol i roesa, bo popobaja'nja iakoeoi kon tampat inta mongolantoed. *

oooOooo

KI SEFANJA.

Ki Sefanja i nonomaja' kon singgai pohoekoeman i Toehang.

Sluiten