Tekst
Onderstaande tekst is niet 100% betrouwbaar

doarumme is die wat oarig *). Slim is 'i niet, zij dut 'eur wark er wal

um, en zij proat ok wal verstaandig, moar bij 't vallen van de blaren,

dan wordt 't erens2), dan hef zij ien van de zeuven hen heideplukken 3).

Zij was aaltied gek op kerels en zij hef ies een schoffien 4) verkering

'ad met zo'n verlopen student, die was in de zommer te gaasten 5) bij

de dokter. De olie wus doar niet van, aans was 't ja niet gebeurd, ij 'ef

zo'n student net zoveule in de reken as een schooier. Maar de vrouw

leefde doe nog en die bluus dat vuurtien an, die keek nog al hoog op

tegen zo'n kerel. In de liarfst kwam ze te starven en met Midwinter,

doar ha i' die kerel al weer, hij wol natuurlijk achter de centen van tl

Triene an, want zo mooi is ze ja niet. En op een goeie dag, doar stuurt 'ij de meid van de dokter met een brievie, 'ij wol meneer Oldenbanning wel ies spreken. Goed, loat 'um moar kommen, zee Jans. Ik was d'r bij, wij waren net an 't mes 6) rieden. 'IJ trok zuk7) er niet aanders om an, hij reed hen 't laand met een volle kar, 'ij kwamp weerum, 'ij reed net de dam op, doar ha j' hem al, in pontifikaal man, met een zwart lakense jasse en haansken 8) an.

Ik wou u wel even spreken, zee hij, zo verlegen as een kiend.

Goed, zee Jans, proat moar flink van joe of, jong.

Moet dat hier? vreug de vent.

Wel, ja, zei Jans, woarum niet, jong. En hij bleef net zo as hij was op

de kar zitten, vet en smerig as een zwien.

Ik eb niet veule tied, zee hij nog.

Doe stak de student van wal.

Ik vraag u de hand van uw dochter, zee hij.

Zo, zee Jans.

Mm, zee hij.

Wat dut joen olie boas? vreug hij.

Die is ambtenoar, zee de student.

Mm, zee Jans weer, of 't hem nog al anston.

Doe greep 'ij in zien olie blauwe kiel en doaronder in de hemdrok, doar had hij zien portefullie aaltied zitten. Die haalde hij d'r oet en hij telde op zien knije an papiergeld zo'n dikke doezend gulden. „Kiek," zee Jans vrundelijk, „as ie dat ok kunt, meneer, dan moe j moar ies weerkommen, dan kan 'k met joe proaten....

i) eigenaardig — simpel. 2) ernst. 3) dan heeft zij haar verstand niet. 4) poosje. 6) logeren. 6) mest. 7) zich. 8) handschoenen.

Sluiten