Onderstaande tekst is niet 100% betrouwbaar

Doe Joseph niet meer timmeren can,

doe was lii also ouden man,

lii haspelde garen.

Jesus droech dat gaernken te huus

den riken ende den armen.

8. Den heilighen gheest den hadden wi gheern, al beiden wi lanc.

Wi willen noch van heer Jesus singhen

enen niewen sanc,

hoe lieve dat sijnre moeder was,

doe hi in haren armen lach

al onverborghen.

50 wie heer Jesus minne draghet,

die en derf niet sorghen.

9. Doe Jesus in der cribben lach,

dat heilighe kint,

drie heilighe coninghen tot hem quanten uut Oriënt.

51 offerden daer drie gaven stout:

merre, wirooc ende gout,

si waren reine.

Dat kint dat is der enghelen heer, der werelt ghemcine.

10. Doe Herodes dat vernam,

die felle tyran,

dat dat kint gheboren was,

hi wert seer gram.

Hi sinen cnechten doe glieboot,

dat si brachten die kinder ter doot so wredelike;

daer om so f-ijn si nu ghecroont int hemelrike.

11. Die enghel in der middernacht tot Joseph quant:

, Joseph vrient, stact op ghcrect,

schaffet u van dan!

Herodes heeft der kinder ghedodet veel, het gaet der nu al uut den speel om Jesus wille.'

Joseph voer tot Egipten wert in eenre stille.

Sluiten