Onderstaande tekst is niet 100% betrouwbaar

No. 28. 9 Augustus 1392.

Illustribus et magnificis principi et principisse, domino et domine, duci et ducesse Juliacensi et Gelrensi, domino et domine nostris sincere dilectis.

Fol. 3V. Unsen willigen bereiden dienst allezyt vurscreven durluchtige vurste ind vurstynne, lieve here ind vrouwe, also as ir uns nu geschreven hait van broider Peters weigen, uyrs kellneers zu Broiche, as dat uch Werner van Wedenauwe gesacht have dat hee van eynen manne uyss unsme raide gehoirt have dat broider Peter waile verdient have dat man yn up den Ryn werpen soulde, so begeren wir uch weder darup zu wissen dat gheyn unser raidtzgesellen van unsme geheissche noch bevelenisse up broider Peter vurgenumt yet gedacht off gesacht hait, ind want wir dieser sachen nyet gesacht en haven noch ouch nyet en wissen so wie die gesacht have, so moicht ir uns ouch wail verlaissen dat wir dat yet gedacht haven soelen. Datum in vigilia beati Laurencii martiris.

Burgemeistere, rait ind andere burgere der stat van Coelne.

No. 29. 18 Augustus 1392.

Hertzoge van Guylge ind van Gelre.

Guede vrunde, also wir unse vrunt ind geswoiren an uch gesant hain ind ouch unse brieve doin schryven umb dat verbunt tusschen uch ind uns geleigen mallich den anderen oever zu leveren, nae deme uns egheyn recht noch bescheit van uch wedervaren en mach, also gesynnen wir des noch dat ir dat doin wilt nae ynhalt uyrre brieve die ir uns vur zyden darup gesant hait. Ind wert sache dat ir des nyet doin en wouldt so ducht uns dat ir uns zu kurt dedet ind moesten dat allen vursten ind gueden luden schryvende ind dagende syn ind darzu dencken ind doin des uns noyt

Sluiten