Onderstaande tekst is niet 100% betrouwbaar

furste lieve here, also as ir uns nu geschreven ind gemaent hait umb eynen geswoiren in stat eyns unss burgermeisters zu setzen, so syn wir des oeverkomen dat wir hern Hilger van der Stessen, ritter, dee nu zerzyt unser steede burgermeister is, in die stat gesat have as eynen geswoirenen ind setzen den in diesme brieve allic dat zu doin dat hee nae formen des verbundtz tusschen uch ind uns geleigen schuldich is zu doen. Vort as ir gesunnen hait Herbort Ruwen unser burger in stat wilne hern Werners van der Aducht as eyn geswoirenen zu setzen, so begeren wir uch darup zu wissen dat id van lancgen jairen in zyde uyrre vurvaren ind ouch der uyrre bis her nyet gewoenlich en is geweist noch ouch sich en heischt yeman ander ein der gelych verbunde zu geswoirenen zu setzen dan die uss den XV uns eugcn raidtz gekoiren werdent. Ind dat ir darenboyven eynge vurder clage off schryven oever uns stellen wouldt des en duchte uns ummer egeyn noyt syn naedem dat uns billiger clagens neyt were van meencherleye geweltligen sachen, die uns ind den unsen beide uss urme lande ind weder dar in ducke ind viel unschultligen wedervaren synt. Datum feria tercia post diem beati Bartholomei apostoli.

Burgermeistere, rait ind andere burgere der stat van Coelne.

No. 33. 1 September 1392.

Hertzoge van Gulge ind van Gelren.

Guede vrunde also as ir uns nu leste geschreven int geantwert hait dat ir des oeverkomen syt dat ir hern Hilger van der Stessen, ritter, uyrre steede burgermeister uns zu eyme geswoirenen gesat haefft, daromb wir uch gemaent hadden nae ynhalden unss verbundtz, so laissen wir uch wissen dat uns dae an nyet en genoecht want ir uns dae

Sluiten