Onderstaande tekst is niet 100% betrouwbaar

No. 74' 11 October 1392.

Hertzoge van Guilge etc.

Her Herman, also ir une in uyrme offenen brieve uyr burchleen upgesacht hait umb des wille dat uch ure burchleen nyet betzailt en kunde werden, laissen wir uch wissen dat ir uch laist gedencken dat ir unsen luden yre koe ind vee naempt bynnen des dat ir unse man wairt. Ind uyr manleen nyet upsagen en moeght as ir uns dat in eydstat gesichert ind geloyfft hait ind daromb uch uyr burchleen unthalden is ind umb egeyne andere sachen bis ur unsen luden dat gericht hedt. Ind umb dat ir cleirlichen wissen moecht wie ir uns verloyfft hait so senden wir uch copie der brieff die wir van uch hain ind unse lude ind undersiessen darenboyven in unsme lande up unser strayssen van uyrme slosse beroufft synt so manen wir uch der eyde ind sicherheide daemit ir uns verblinden syt dat ir uns ind unser undersiessen dat richtet off wir moyssen dat clagen ind zoynen up den steeden dae uns des noyt geburt. Ind darzu doin des wir zu raiden werden ind wat ir uns des richten wilt des begeren wir ure beschrivene antwerde mit diesme boiden. Gegeven zu Casteren Vrydaichs nae Gereonis.

No. 75. .. October 1392.

Lieve genedige here, also ure genaiden mir schryvent hain ich waile verstanden dat ich vehe ind koe genoemen have uren undersiessen bynnen dem ich uyr man was ind daromb mir myn burchleen unthalden ind nyet betzailt en sy. Darup begeren ich uren genaiden zu wissen dat ich des unschuldich byn ind nyet gedain en hain, want myns lieven genedigen heren van Gelren syne helpere die koe naymen ind ouch oyssen, der was seyss stucken, wurden geschat dat stucke vur V m ... Ind myn lieve genedige here van Gelre

Sluiten