Onderstaande tekst is niet 100% betrouwbaar

wissen dat uch nyemant van uns verdreven en hait, ind M unse lieve herre ind geselle uch gerne bewyse hedde as ir selver wale wist daemit uch nyet en genoegde. Ind darenboven noch oever unse muren liest vallen ind uns untreden syt darzu uch nyemant gedrongen en hait ind des uch ouch egeyne noyt en was. Vort as ir uns schryfft dat wir uns bedencken willen dat uch nyet noyt en sy eynche sachen an zu gryffen dan aff uns schecmde off schade komen moecht. Darup layssen wir uch wissen dat wir ummer hoffen dat ir egeyn boesewicht werden en sult, ind ummer nae dem edelen en hogeboirenen stamme dencken dan aff ir komen syt. Ind die nye oevel noch weder ere en gedaden noch en gedachten eynche sachen an zu vangen. Ind were ouch yeman de uch dairzu raiden woulde so hoffen wir doch dat uir edel art ind hertze dat selver bedencken sal ind gruntlich sych besynnen egeyne sachen weder ere an zu gaen. Ind meynen ouch lieve son uren brieff uns nu gesant unsen lieven herre ind geselle uren herre ind vader ind alle unsen vrunden zu zeunen want wir uch nyet anders darup nu geantwerden en konnen. Got sy mit uch. Datum Caster sabbato post Andree beati apostoli sub nostro sigillo etc.

An Reynolt, unsen lieven gemynden son.

No. 90. 3 December 1391.

Fol. 49. An unsen lieven gemynden herre ind vader

den hertzoge van Guilge ind van Gelre.

Unse vruntliche groisse mit unsme underdenigen willigen bereyden dienste ind mit alle dem dat wir eren ind guytz vermoegen altzyt zu uirme geboede vurscreven lieve gemynde herre ind vader. Waromb wir uch vlelichen bidden as wir altzyt gedaen hain ind noch doin dat ir uch wilt bedencken ind wilt uns doen as ir uns langetzyt zugesacht hait ind

Sluiten