Onderstaande tekst is niet 100% betrouwbaar

No. 102. 4 Augustus 1392.

An mynen lieven ind gemynden heren ind vaider, den hertzogen van Guilgen ind van Gelren.

Mynen armen, schuldigen, underdenighen, willigen, bereiden dienst allerzyt tzu uyrme geboide ind mit alle dem dat ich eren ind guytz vermach altzyt vurscreven lieve gemynde here ind vaider, ich begeren uch tzu wissen, dat uyr amptman, burgermeister, scheffen ind gemeyne burgere der stat van Duren, ind vort her Johan van Drynborren, amptman tzu tZulpge, Eusskirchen ind tzu Nydecgen, Johan Goyltsteyn, amptman tzu Brucge, Wynmaer van Tzuyrss, amptman tzu Broiche, Aylff van Aylroynen, droyssert zu Monfert, Coengin van Ruysschenberg, amptman tzu Berchem, Heinric Oysse van Waylhuysen, amptman tzu Caster, Johanne van Gelre, bastarde ind allen synen helperen hudistaichs brieve gesant ind geschreven haint, in den brieven sy schryvende synt offt sache were dat Johan vurscreven off syne helpere Fol. 5iv. eynchen schaiden deden off doen wurden der stat van Aichen, dat woulden sy beschudden ind weren nae yrre moegen. Lieve gemynde here ind vaider vurscreven begeren ich uch tzu wissen, dat alsulche vede as Johan vurscreven ind syne helpere gainde haint mit der stat van Aychen mich antrifft ind ich selver vyant byn worden der stat van Aychen dae mich noyt tzu gedruncgen hait, as ir ouch waile moycht vernoymen hain, dat ich alzyt reichtz gehoirsam byn geweyst ind geboeden hain tzu gheven ind zu nemen ind bidden daromb ure genaiden vleelichen dat ir dat gebot aff doen wilt ind gunnen mir ind den mynen uyrss lants. Ind wilt doch egeyne ungenaide vurder an mich ind an die myne keren noch legen dan ir gedain hait. So weirt sache dat ir des nyet doen en wouldt soe duchte mich dat ir mir ind den mynen groesse ungenaide tzukeerdet der

Sluiten