Onderstaande tekst is niet 100% betrouwbaar

unse muren laissen vallen des uch egeyn noyt en was, ouch en meynen wir uch nyet tzu verdryven as wir uch gedain en hain ind hoffen ommer an Got dat ir uns ymme lande laissen soelt. Lieve sun unse here Got sy mit uch ommerme. Datum feria tercia post Petri ad vincula.

No. 104» 10 October 1392.

Fol. 52. Hertzoge van Guitge etc.

Lieve gemynde sun, wir hain vernoymen dat ir diesen morgen vur Broyche up unser strayssen oyssen genoymen hait, der zwey ind aychtzich stucke, unser luden ind undersiessen van Duiken zugehoerent ind naedeme ir unse vyant nyet en syt ind wir uns zu uch egheynre veeden en vermoeden, so bidden wir uch lieve sun dat ir unsen undersiessen yre oyssen wedergeefft as uch dat waile voeget. Ind wat ir des doin wilt des begeren wir ure anwerde mit diesme boiden. Onse here Got sy mit uch. Gegeven zu Caster up sent Gereonisdach.

No. 105. 10 October 1392.

Lieve ind gemynde here ind vaider, uren brieff ir mir gesant, dae ynne ir mir schrivende syt dat ir vernoymen hait dat ich hudistaichs oessen genoymen have vur Broyche up uyrre strayssen, der syn lxxxii, uyrre burgere ind undersiessen van Duiken zoegehoerent naedeme ich uyr vyant nyet en sy ind mir ouch nyet waile en voecht ind syt daromb begerende dat ich uren burgeren ind undersiessen yre have weder gheven wille, hain ich waile verstanden ind begeren uch darup zu wissen dat ich uch ducke ind vlelichen gebeden hain ind noch hudistaichs bidden dat ir mir as vele wouldt gheven ind bewysen dar ich up leven moechte, synt ir des noch nyet zu raide worden en

Sluiten