Onderstaande tekst is niet 100% betrouwbaar

No. IIO. 23 October 1392.

Fol. 54V. Mine armen, oitmoedigen, schuldigen, bereiden dienst altzyt zu uyrme geboede. Lieve gemynde here ind vrouwe, vader ind moeder, ich bidden ure genaide vlelichen as ich ducke ind vil gedaen hain dat ir uch wilt besynnen ind geven mir as vele dae ich up leven moeye, want myn lieve gemynde broeder bynnen lantz is, ind mir zugesacht hait, dat he gerne darby komen wille, wilche zyt ir wilt ind helpen ind raiden darzo dat mir bewysinge geschie ind wille ouch gerne doen wat he billichen doen soele, darumb bidden ich ure genaiden vlelichen, want ir uch alwege untschuldiget hait mit myme lieven broeder vurscreven ind he nu gerne darzo helpen ind darby komen wilt, dat mir bewysinge geschie ind noch bynnenlantz is, dat ir uch besynnen wilt ind geven ind bewysen mir as vele dae ich up leven moege want myn broeder vurscreven gerne darby komen wilt as vurscreven steit, updat ir uch nyet mit yme me untschuldigen en doerst as he buyssen lantz is, weirt sache dat ir des nu nyet doen en wouldt. So dunckt mich dat ir mir vil zu kuyrt doet naedem ir uch alwege untschuldiget hait mit myme lieven broeder vurscreven. Dis begeren ich ure guetliche antwerde mit diesme boeden. Unse herre Got bewaere uch lanclivich ind gesunt. Gegeven under myme segele up sent Severynsdach des heiligen busschoffs.

Reynolt, uyr sun.

No. III. 24 October 1392.

Hertzoge van Guilge ind van Gelre.

Lieve sun, wir hain dynen brieff uns gescreven ind gesant wale verstanden wie du uns dae ynne geschreven hais, ind laissen dich wissen, dat wir unss gemynden soens van

Sluiten