Onderstaande tekst is niet 100% betrouwbaar

Hus-Vaeder Beelzebul, veel meer sellie sal ruep die HusVolk soo.

26. Daerom jellie no bang sender; want niet een gut ka verberg, die no sal kom openbaer, en niet een gut bin geheim, die no sal kom bekent.

27. Wat mie seg na jender na die Dysternis, jellie seg dat na die Ligt; en wat jellie hoor na binne die Oor, jellie preek die na bobo die Dak.

28. En no vrees voor sender, die kan maek die Likam doot, en no kan die Siel doot; maer vrees ineer voor hem, die kan bederv Siel mit Likam na binne die Hel.

29. Sellie no verkoop twee klein Voglen voor een Penning? en niet een van sender val na die Grond sonder die Wil van jender Vaeder.

30. Maer almael die Haeren ookal na jender kop ka tel.

31. Daerom jellie no bang; jellie bin beeter, als mussie klein Voglen.

32. Daerom, die beken mie voor die Mensen, die mie wil beken voor mie hemelse Vaeder.

33. Maer die verlooken mie voor die Mensen, die mie wil verlooken voor mie hemelse Vaeder.

34. Jellie no sal denk, dat mie ka kom for stier Vreede, na die Aerde; mie no ka kom

for stier Vreede, maer die Sweerd.

35. Diemaek mie ka kom foi maek een Mens oneens mit sie Vaeder, en die Dogter mit sie Muder, en die Skoon-Dogter mit sie Skoon-Muder.

36. En die Mens sie HusVolk sal wees sie Vieanden.

37. Die wil sie Vaeder en Muder meer als mie, no bin mie waerdig; en die wil sie Soon of Dogter meer als mie, no bin mie waerdig.

38. En die no wil neem op sie Krus, en volg aster mie, no bin mie waerdig.

39. Die vindt sie Leven, sal verloor die; en die verloor sie Leven voor mie Skyld, sal vindt die.

40. III.) Die neem jender an, neem mie an; en die neem

mie an, neem hem an, die ka stier mie.

41. Die neem an een Propheet na die Naem van een Propheet sal krieg een Propheet sie Loon; en die neem an een Regtveerdig, na die Naem van een Regtveerdig, sal krieg een Regtveerdig sie Loon.

42. En die giev na een van deese kleinste, maskee een Beeker koud Water for drink na die Naem van een Discipel, waerwaer mie seg na jender, levendag hem no sal verloor sie Loon

Sluiten